SHILLONG: Da·o dipet Meghalaya a·doko bijolirang gitchae dongengani gimin load shedding ka·na nangani katta dongkujaenga ine adita salrangna skang, a·dokni Power Minister AT Mondal-ni a·kanganiko Voice of the People’s Party (VPP) jegalatenba, ian chanchininggija aro dilsretna agananisan ong·aia ine matnangataha.
“Meghalaya a·dokko bijoli gitchae donggipa a·dok aro gitchae dongenggipa bijolirangko a·songni gipin biaprangna palskaenga ine agananiara chingna namen jagokmanpilani gita ong·aha. Ian songadam nokadamrango donggipa manderangnade ka·dingani kattasan ong·aia,” ine VPP-na ku·wattimgipa Batshkem Myrboh parakataha.
A·doko bijolirang gitchae donga ine agananiko jegalatengon, Mawkynrew constituency gita dakgipa biaprang, jeon bijoliko chu·onga gita man·jaengachim, uandakgipa biaprangni gimin ua toe janapataha.
Sorkarini manderangna aganronggipa kattarang aro chong·mot obostarangni gisepo meligrikjaenga ine sorkariko matnangatengon, songadam nokadamrango bijolirangkon chu·onga gita man·jaenga ong·ode maikai namroro silroroaniko man·gen ine Myrboh sing·doataha.
Meghalaya a·doko bijoli chu·onggijaoni da·o gitchapilengaha ine adita salrangna skangsan a·dokni Power Minister AT Mondal a·kangtahachim.
Meghalaya a·doko gitchaenggipa bijolirangko Power department, Indian Energy Exchange (IEX) gita palna a·bachenge a·dokna kajinarangko man·dapengaha ineba ua aganahachim.
 |
ReplyForward
|
