SHILLONG: Rel ramako ra·baani bidingo opposition political party-rang chu·gimik gitan ong·nasipile pilak party committee-ko songaha indiba opposition party-rang committee-o bakrimgija kate chakaha indake ong·genchimoba sorkari committee-o party-rangko bakrimatna jotton ka·kuenga aro jao changsa uamangni skanggipa meeting-ko ka·china committee-na cholko on·engachim.
Committee-ko jagnimangna skangon songahachim indiba da·onaba NPP, Congress aro TMC gita opposition party-rang committe-oni ong·kate committee meeting-ko changsaba ka·na gita man·kujaenga.
Ia obostani gimin MDA ku·wattimgipa Paul Lyngdoh uni aganao skanggipa meeting-ko jani gisepo ka·gen ine ine aganahachim indiba mitam political party-rang committee-oni katna chanchiani a·selo changsaba meeting-ko ka·na gita man·kujaenga.
“Chinga board-o uamang gitan ong·enga aro committee-o uamangko bakrimatna jotton ka·enga,“ Lyngdoh aganaha.
Uamang rel ramako ra·baani gimin namnikama namnikja ba jatchio dongaia pilak chanchiako ra·na Committee-ko songani miksongani ong·achim, ua aganaha.
“Ian pilak party-ni ga·timra ong·a jeon chanchianiko ra·bagen aro party-rang kate dongani miksonganide jeon uamang election-o susaenga uno uamang chena ka·dongjaenga,’ ua aganaha.
Political party-rangni chanchiani gimikan uamangni agenda baksa election-o susaenga indiba jensalo a·dokna dal·begipa mongsonggipa ong·ani chanchiani donga unon uamang uamangni gisepo chel·e ba jrip dongna jotton ka·a, ua aganaha.
Rel ramako ra·baani bidingo party gimikoni songgipa committee-oni opp party-rang kate chaka
Date:
Share post:
