Dambo Reserve UP skul nokni obosta namjani a·selo neng·nikaniko man·enga

WILLIAMNAGAR: East Garo Hills a·jao donggipa Dambo Reserve Upgraded SSA UP School nok nam-srangjani a·sel mikkarang waahaon skulo poraieng-gipa chatro chatrirangko skul-ni sarao skie on·ani-rangko dakna nangenga. Ia skul nokara, Rongjeng-oni km 6-mang ong·ao dong-gipa jean Mangsang-oni A·dokgre ramaoni km1 ong·gipa biapo donga.
Sorkari LP skul, SSA UP Section class VI-oni VIII aro secondary section-rangba dongachim. Indake UP section-o poraienggipa sak 56 chatro chatrirang, aro sak 4 skigiparangna room gittam donga aro apchangketgipa ong·ani a·sel neng·nikanirangko chagrongna nangenga.
Skigiparangni room-kon skulni babilsi dakeba jak-kalna nangengachim mikka-rang waamitting somoi-rango nokkingrang selaha-ni a·sel chirang ga·akdapa-nichi skulni  dingtang ding-tang nanggipa lekka aro bosturangko donanirango-ba  nen·gnikanirangko man·a nangenga ine skulni Headmaster Sengphan K. Marak parakaha.
Indake ia skul nokni pangchakani beam-rang prakahani a·sel uarang gita mikka chirang selengani a·sel skulo poraienggipa bi·sarangna kenchakani ong·ani gimin skigiparang skulni a·palosa skie on·a gita nangenga ineba ua parakaha.
Una agreba, skulni paikanarangko dingtang dingtang scheme-rangni gita rike on·giparangba mangrakgipa ong·jani a·selo jakkalna namjaha-chim. Ia  neng·nikarangko man·engani bidingo jako ra·e kam ka·enggiparangna sedoatahachim indiba daonaba maming dak-chakanirangko man·kuja aro una agreba, iani bi-dingo local MLA,  BDO, DC aro Education Department-naba u·iatmanahachim  indiba iani gisepon da·ona kingkingba maming agan-chakaniko aro dakchaka-niko man·kuja aro bi·sa-rangni naljokanina skigipa-rang a·palo class ra·na gita draatako man·enga.
Iandakgipa obosta-rangni gisepo gisiko nange an·tangtangni kamko ka·enggipa skigiparangni on·kange kam kaenganiara aiao inmanpilani ong·a ine jolo donggipa ma·gipa-rangoni aganaha. Uni gimin Dambo Reserve UP School-o poraienggipa chatro chatrirangni naljoka-nina aro skul nok namsrang-jahani a·sel  bang·a neng·-nikanirangko man·a nang-enganina ta·rake nirokea-niko dakpachina a·dokni bilo ong·e kam ka·enggipa-rangko molmolataha.