SHILLONG: North Eastern Hill University (NEHU)-o ru·uta somoirangna ong·enggipa golmalrangko namatna man·na gita NEHU-ni Vice Chancellor (VC) Prof Prabha Shankar Shukla-ko ra·galsrangchina, NPP-chi dilenggipa MDA 2.0-o bak ong·enggipa United Democratic Party (UDP), Union Education Ministry-ko didiataha.
UDP-ni working president Titosstarwell Chyne-ni aganani gitade, ru·uta sal somoirangonin golmalrang namchipna man·jaengani a·sel NEHU-ko name chalaina man·jaenga aro university-o chatro chatrirangna lekka porako on·anioba nangchakeaniko man·na nangengachim.
Ia sal somoirango NEHU-ni kamrangko Vice Chancellor in-charge ba Pro Vice Chancellor-sa nirokdilengani gimin obostarangko namjabatatenga ineba ua aganaha.
“Iandake university-o ong·enggipa golmalrangko namatchipna man·ja ong·ode ian chatro chatrirangni poraianirangko nangchakeaniko ra·bagen,” ine Chyne aganaha.
Ia neng·nikanirangko namatna gita ja·kurangko de·china gita ua a·dok sorkarikoba didiataha.
Adita salrangna skangsan, NEHU-o ong·enggipa obostarangni gimin janapatengon, Vice Chancellor-ko ra·galanide ma·mong sorkarini jakosa ong·aia ine a·dokni Chief Minister Conrad K Sangma aganskaahachim.
Indake ong·engon, NEIGRIHMS-o nurse-ni kamrangna ra·anio adita so·sojengjeng ong·anirangko nikna man·engani gimin iandakgipa neng·nikanirangko namatna gitaa ta·raken ja·kurangko de·china gitaba UDP, a·dok sorkariko didiataha.
NEIGRIHMS-o nurse-rangko ra·ani bidingo Union Health & Family Welfare Ministry baksa agangrikchina gitaba Chyne, a·dok sorkariko didiataha.
 |
ReplyForward
|
