SHILLONG: 2028 bilsio Meghalaya a·dokni election ong·na am·enggipana gisiko nangsoan baksa party-ni state unit, BJP National President J.P Nadda-chi ra·chakani ja·man officer bearer-rangna gital team-ko parakataha.
A·dokni kona noksikona Prime Minister-ni kattarangko gipatangna a·pachapchaponi party-ko bilakdapatan baksana gital team-o ka·dongchakaniko on·a, ua kattaara, ‘sab ki saath, sab ka viaks, sab ka biswaas (sakanti baksa, sakantina namroroani aro sakantini gita ka·dongchakna).
Party-ni gital State office bearer-rangara sak 6 State vice president-rangko Shillong, Tura, aro West Jaintia Hills-na ong·gen.
Mitam mongsonggipa dilgiparangara, Khrawboklang Basaiawmoit , Bernard N Marak, Lakhon Biam aro sakgipinrang.
Er Wankitbok Pohshna, Shillong songjinmani State General Secretary ong·anggen, uni gisepon Amitava Saha West Garo Hills-na State General Secretary ong·anggen.
Tura, East Khasi Hills, Shillong aro East Jaintia Hills-na sak 6 State Secretary-ba donganggen.
Uamangara, Anzie Ellicia A Sangma, Belbora Wankhar, Daniella L Nonglait aro sakgipinrang.
Sabyasachi Ghose, Media Convener ong·anggen, aro Mariahom Kharkrang, Chief Spokesperson ong·anggen. Sarad Bawri IT Convener ong·angenga aro Fredee Aaron Kahit Social Media Convener ong·anggen.
