Tura: World Blood Donors Day-ko gisik ra·e maniao Sonibar salo Tura Police Hospital-o Power Blood Donation, Central Puja Committee (CPC), Tura Thakurbari Committee aro Tura Bengalee Association bakrime blood donation camp-ko ong·ataha.
Pring 10 bajionin camp-ko a·bachengatanio manderang bang·en bak ra·tokaha, jeoni adita sakrang an·chi on·gilangaha.
“Uandake West Garo Hills-ni Deputy Commissioner Vibhor Agarwal, an·tangba an·chi on·gile sakgipinrangna apsanko dakchina gita didianiko on·aha.
Camp-ni convenor Debraj Roy aro CPC-ni Assistant General Secretary Souvik Sanyal-mangba an·chi on·gilaha. Iarangni gisepon camp-o bang·en manderangni bak ra·e an·chi on·gilanirangko nike Roy, kusi ong·ako parakaha. Sanyal, an·chi on·gilani gamchataniko talate on·angaha.
Dr. Tami G. Momin, Civil Hospital Blood Bank, Tura-ni team-ko medical oepration-o dilangskaha. Uni team, chu·gimik medical-ni kamrangko nirokangskaha. Jemangan an·chi on·gilachim uamangna mittelpilskaniko on·na gita chi, juice, biterang aro chi·a cha·anirangko on·aha. Unbaksana chonbegipa souvenir-ko u·iataniko on·gipa pamphlet baksa on·chapaha.
Blood donation camp-ko on·atna gita cholko on·anina West Garo Hills-ni Superintendent of Police-ko aro Civil Hospital-ni Blood Bank staff-rangko mittelaha.
Tura-o World Blood Donation-ko manie blood donation camp-ko ong·ata
Date:
Share post:
