SHILLONG: Gong lak 3.43 tangkarangko ku·mitdu ra·anina Central Bureau of Investigation (CBI)-ni jakchi rim·ako man·ani ja·man, North Eastern Hill University (NEHU)-ni ning·o donggipa Zoology Department-ni senior Professor aro School of Life Sciences-ni Dean, Prof Nirmalendu Saha-ni kamko dontongataha.
Iani bidingo u·iataniko on·angengon, “Prof N Saha-ni case-o uko konta 48-na CBI-ni ning·o donani ja·man dongimin niamrango pangchake, uni kamko dontongataha. CBI-ni u·iataniko man·soani ja·man Prof Saha-na NEHU, suspension letter-ko on·enga,” ine Sukrobar salo, NEHU-ni PRO parakataha.
Guwahati songjinmao donggipa Guwahati University Guest House-o gong lak 3.43 tangkarangko ku·mitdu ra·ahani gimin NEHU Shillong-ni ning·o donggipa Zoology department-ni Professor aro School of Life Sciences-ni Dean Prof Saha baksana Guwahati-o donggipa company ge·sani nokgipako Guwahati songjinmani CBI, June-ni 12 tariko rim·ahachim.
Koborko on·ani gitade, university-na science-ni ma·manti ostrorang aro laboratory-ni bosturangko ra·na gita supply order-ko on·e aro bill-rangko game, gong lak 3.43 tangkarangko ku·mitdu ra·ahani gimin Prof Saha-ko Guwahati-ni CBI rim·aha.
