TURA: Sonibar pringo West Garo Hills-ni a·kawe jolo Phulbari-ni ning·o donggipa Balachanda-o songni manderang Bangladesh-china sruk sruk badingdingsrukatna ra·angenggipa matchu manggittam baksa gariko rim·rikna man·aha indiba mandede kate jokaha. Cha·ue bangdingsrukatna jotton ka·gipa manderang uamangni Chevrolet ML05 F 2211 gario matchu manggittamko gate Aronggre Bajamara napakangengmitingko Balachanda songni manderang gari aro matchuko rimrikaha indiba mandede gariko gale buringchina kate jokaha. Ja·mano matchu aro garikoba police-rangna pakwatataha Da·ororo Garo Hills-o matchu cha·ue badingsrukanirangko mongsongbate West Garo Hills-ni a·kawe jolrango aro South Garo Hills jolrango Bangladesh-china badingsrukatatna jotton ka·anirangko bang·a salon rim·rikna man·anirangko niksona man·enga.
