WILLIAMNAGAR: East Garo Hills a·jao Simsanggre A·kingni Napak Nokmana eviction notice ba biap watchina u·iataniko on·anina Napal Mahari, jegalatenba, East Garo Hills a·jani Deputy Commissioner-na sedoataha.
Koborko on·ani gitade, Simsanggre A·kingni Nokma Rubalin N Marak-na East Garo Hills a·jani Deputy Commissioner (Revenue), biap watchina u·iataniko on·angahachim.
A·king Nokmako biap watchina u·iatani gimin jegalatengon, “Ian jatni daka rikanio pangchake Nokmana on·gimin bilko pe·ani gita ong·enga aro Simsanggre Nokma baksana Garo Hills Autonomous District Council (GHADC)-ni gisepo, East Garo Hills a·jani headquarter-na biap ra·anio songgigrikaniko mande ra·ja gita ong·enga,” ine Napak Mahari, East Garo Hills a·jani Deputy Commissioner-na sedoatgipa chittio parakataha.
1972 bilsini January 8 tariko a·ako ra·ani bidingo songgigrikgipani gimin janapatengon, ia songgigrikanio ku·rachakgimin kamrang mingsakoba da·onan chu·sokatkujaenga ine Napak Mahari matnangataha.
“Iandake A·king Nokma baksa songgigrikaniko chu·sokatgijaniara niamko pe·asan ong·jaenga indiba Scheduled Tribe (ST) jatni kosako aro A·king Nokmana on·gimin bilko chonnikani gita ong·enga,” ine Napak Mahari parakataha.
Napak Mahari-ni talataniko on·atani gitade, ia songgigrikanio, a·ani kajina baksana A·wil kajinakoba Nokmarangni gisepo sualgrikna gita GHADC gilani ong·achim indiba ia songgigrikaniko pe·e da·alo a·dok sorkari, GHADC-naba u·iatchenggija Simsanggre Napak A·kingo napdrana jotton ka·skaengachim.
Ia a·arangara A·kingni ning·o ong·engon maikai Nokmana eviction notice-ko on·na man·aha ineba Napak Mahari sing·doataha.
 |
ReplyForward
|