TURA: Adita salrangna skang, Garo Hills-o donggipa sorkari contractor-rangni tom·aniko Nokma Council building-o ong·atangenba, contractor-rangni dingtang dingtang nangani aro neng·nikanirangko namatani bidingo chanchirimangaha.
Contractor-rangni dingtang dingtang neng·nikanirangko namatna gita kamrangko ka·dilna miksonganio dingtangmancha ia tom·anio A·chik Contractors Union-koba songe donangjolaha aro ia dolko dilna gita adhoc basis-o dilgiparangko seokangaha.
A·chik Contractors Union-ko dilna seoka man·gipa manderangara, president-na Carry Ch Marak, vice president-na Blan Clever N Sangma, general secretary-na Rollingstone Ch Momin, joint secretary-na Rakseng R Marak aro treasurer-cum-accountant-na Billipstar Sangma ong·a.
Ia A·chik Contractors Union-na gipin executive membor-rangkoba seokangaha ine u·iataha.