Wednesday, July 30, 2025
spot_img

“Comilla Cotton,”-ni bidingo workshop-ko ong·ata

Date:

Share post:

spot_imgspot_img

Tura: Jatni  dakbewalo Garo Hills-ni Comilla Cotton-ko ripinge rakkina miksonge adita salrangna skang,  West Garo Hills a·jani District Agriculture Office-ni gita  “Modern Cultivation Practices & Future of Comilla Cotton,”-ni bidingo salsana workshop-ko Tura-o ong·atangaha. Ia ong·atanggipa workshop, State Government’s Comilla Cotton Scheme-ni ning·o ong·atanggipa ong·a jean  iandakgipa ma·ambioni man·rikbaenggipa gama ge·anirangko namdapatna, aro adoko man·gipa rokkom-ni biterangko badingchiwalani bidingrango agan-talate on·anganiko dakangaha. Ia workshop-o, West Garo Hills a·jani dingtang dingtang a·dokrangoni  gimik sak 60-na batgipa kil-rangko gama ge·aniko dakenggiparangan iano bakko ra·angaha. District  Agriculture Officer, Paulette A. Sangma, ia ong·atanggipa workshop-o mongsonggipa sokgipa ong·e jinmana aganprakangengon, gama ge·aniko dakenganiko namdapatna gita iandakgipa scheme-rangni gita dakchakani cholko rachina didianganiko onangenba, ian adoko skanggipa changna  kilrangko gama ge·aniko dakenggiparangna sorkarini gita dakchakaniko on·enganiba ong·a ine talatangaha.Una agreba, Comilla Cotton-ko chalaipilanio, jatni dakbewalko ripingani chol ongan baksana songadam nokadamo dongenggipa manderangni janggi tangani gadangko namdapatani cholba ong·a ineba ua aganangaha. Indake Dadenggre Sub-Divisional Agriculture Officer A. B. Marak, ia ong·atanggipa program-o, gama ge·anirangko dakenganio badingchiwalani a·bao namgnirangni gimin agantalatanganiko dakangengon, jatni ganding chinding-oni dingtang dingtang gipin gandingrangkoba iandakgipa ong·telaigipaoniko tariana  man·ani cholrangko ra·e gama ge·anirangko dakenganio gisiko nanggiparang aro namdapatanina  dingtanganiko ra·bagiparang ong·china sakanti game ge·e cha·enggiparangko didiangaha.
Una agreba, workshop-o bak ra·anggiparangna gama ge·aniko nosto ong·atgipa rokkom-ni jo·ongrangko aro sabisi-rangko champengani cholrangko agan-mesoke on·anganiko dakangan baksana, gama ge·aniko nadapatna gita gitalgipa technology-rangko jakkalani aro badingchiwalaniko namdapatani cholrangkoba agan-talate on·angaha.Songadam nokadamrango gama ge·ani aro badingchiwalanirangko namdapatna miksonge ia a·bachengataniko, a·dokni dingtang dingtang block-rango game ge·e cha·enggiparangna, training program, bitchilrangko sualani aro gama geanirangko namdapatani bidingo agan-skie onnanirangko dakangaha. Ian mikkangchi Comilla Cotton-ko gipin a·songrango badingchiwalanirangko dakna miksonganio  Meghalaya a·doko gama ge·anirangko namdapatna ja·ku de·enganiko a·bachengatani ong·a.

spot_imgspot_img

Related articles

SC declines to defer framing of charges against Lalu Prasad Yadav in land-for-job scam

New Delhi, July 30: The Supreme Court on Wednesday declined to direct a Delhi trial court to defer...

HYC objects to Hek’s comment on MRSSA

Shillong, July 30: The Hynniewtrep Youth Council (HYC) has strongly objected to Cabinet Minister Alexander Laloo Hek’s recent...

No PM Modi-Trump call during Operation Sindoor, confirms EAM Jaishankar

New Delhi, July 30: During a Rajya Sabha debate on Operation Sindoor, External Affairs Minister (EAM) S. Jaishankar...

Fuel your motivation with curiosity and purpose: Minister Bora addresses RGU Deeksharambh

Guwahati, July 30: The Assam Royal Global University (RGU) today inaugurated ‘Deeksharambh’, a comprehensive 21-day Student Induction Programme...