TURA: Garo Hills Autonomous District Council (GHADC)-na Indian Constitution-ni Sixth Schedule ning·o on·gimin bilrangko pe·ahani a·sel District Council-ni mikkim rasongko ra·sekani gita ong·aha ine Tura-ni MDC Bernard N Marak parakatenba, ia mikkim rasongko man·piltaina gita dakchakaniko on·china didie, Meghalaya a·dokni Governor CH Vijayashankar-na sedoataha.
Marak-ni Governor-na sedoatgipa chittio parakatani gitade, ia niamrangko pe·aniara GHADC-na on·gimin bilrangkosan pe·ani gita ong·jaha indiba songko nokko nirokdilenggipa Nokmarangna on·gimin bilrangkoba pe·ani gita ong·aha.
GHADC-o maming official gazette notification gri ‘Assam Schedule’-ko ra·gatani a·sel Garo Hills-o chengoni ja·rikbaenggipa a·a aro kajinani niamrangko pe·ani ong·aha ine janapatengon, ia niamko ra·gatanichi, Hill Mauza-rango Plain mauza-rangko chalaina bilko on·aha ine Tura MDC parakatenba, GHADC-ni ning·o Assam Schedule-ko ra·galsrangchina aro jatni bewalo songko nokko chalaina bilko on·taipilchina a·dokni Governor-ko didiataha.
Khasi aro Jaintia Hills ADC-rango gita ong·gija GHADC-ode Tribal ong·gijagipa manderangba susapana cholrangko man·enga ine janapatskaengon, GHADC election-o Tribal-rangsan bak ra·na man·na gita election-na nomination file ka·anio Scheduled Tribe (ST) certificate-rangko on·na nangtelgipa ong·atchina Marak, a·dokni Governor-ko mol·molataha.
Garo Hills-o songdongenggipa manderang, Scheduled Caste certificate aro gipin nangchongmotgipa certificate-rang, jekai birth/death/PRC/affidavit-
Indake ong·engon, Garo Hills-o Nokmarangchi chalaienggipa biaprango municipal-rangna bil on·aniko bon·atchina, Education, Health, Forest, Transport aro Civil Works department-rangko GHADC-ni ning·o ong·atpilchina gitaba Tura MDC, a·dokni Governor-ko mol·molataha.