SHILLONG: Bijoy A Sangma-ko Baptist Alliance (BWA)-ni Commission on Human Rights, Peacebuilding and Reconciliation-ni Chairperson songaha. Iandakgipa chugipa gadango seoka man·chenggipa India-ni skanggipa ong·aha.
Meja Bristibar salo Australia-ni Brisbane-o ong·atgipa chang 23-gipa Bapttist World Congress tom·bimonganio Bijoy Sangma-ko chairperson songako jinmana parakataha.
Chairperson-ni bilsi bongani term, July 13 tarikoni a·bachenge bilsi 2030-ona dangdike on·anggen. BWA Commission, toromni gita jakgittelani, so·sojengjeng ong·ako tom·tomatanio aro songsalna namako dangdike ong·gipa dol ong·a.
Uandake Commission-ko dilanga baksana Bijoy Sangma, BWA Resolutions Committee-oba dangdike on·anggen.
Sangma-ni acedemic qualification-ko niatgenchimode uo dingtang dingtang degree-rang donga, jekai- law, management aro theology-ni degree donga. Una agreba MBA – Entrepreneurship and Strategy, Bachelor of Law, MA -Christian Studies- iarangba donga. Iarangni gisepon ua Management Studies-o PhD ka·kuenga. UGC-NET qualified Assistant Professor (Management) ong·e Bijoy, Six Sigma Green Belt professional-ba ong·a aro IIM-Calcutta-oni management program-rangko matchotaha. Una agreba sustainable development-ni bidingo dingtang dingtang a·songrang jekai- United States, South Korea aro Singapore- a·songrango training-ko ra·enga.
Sangma saksa India-ni skanggipa ong·e ia dal·begipa kamna seokako man·anina mittelpile aganangengon, “ ango chu·onggijanirang gnanggenchimoba, ia kamna angko seokanio pilak rasongrangan Isol-na ong·china, anga kakket aro onatbeao kamrangko kana re·ongkatengon, manderangni dakchakani aro ka·sachakanikoba nanggen,” ine Sangma aganaha. Una agreba, ia dal·begipa kamna seokaniko man·aniara Garo jatrangna rasong mikkimko ra·baiasan ong·ja indiba ian India gimikna gamchatbegipaba ong·a ineba Sangma aganaha.
Bijoy Sangma-ko BWA Human Rights Commission-ni chairpersong songa
Date:
Share post:
