Sunday, August 31, 2025
spot_img

Game ge·e cha·giparangko bilakdapatna IPDM training-ko ICAR-KVK ong·ata

Date:

Share post:

spot_imgspot_img

TURA: ICAR – Krishi Vigyan Kendra (KVK), West Garo Hills, Dalu Block-ni Marapara songo NICRA project-ni ning·o method-ko mesokan baksa aro bosturangko sualn baksa “Integrated Pest and Diease Management in Paddy (IPDM)-ni bidingo training program-ko ong·ataha.
Dr. Joyshree Mahanta, CTO (Plant Pathology)-chi program-ko dilaha aro dakchakgipa Sanjay Chetry (YP-II) dakchake on·aha aro sak 49 game cha·giparangoni gisiko nange bakko ra·angaha.
Mi misirangko sal karirangni dingtanganio chel·chakani on·a aro kam ka·e cha·aniko tang·doatna miksonge program-ko ong·ataha. Ge·a gamaniko dal·roroatna aro biological control-na Trichoderma dakgipa micro-organism-rangko jakkalna game ge·e cha·giparangko didiangaha. Trichoderma-ko dakanio badina ning·tue mi bitchilrangko ge·na nangako mesokangaha aro dal·drobaenggipa bitchilrangko ja·dil ja·pangrangko tarianiko mminit 30-na dake mesokangaha.
Mi ge·gipa apalo joongrangko siatna jakkaltogipa bostu dake neem to aro fighter (bio-pesticide)-ko talatangaha. Ia ranta ka·anirangko dakna nangchongmotgiparangko bosturang jekai Trichoderma, neem to aro fighter-ko game ge·e cha·gipa bak ra·gipa gimikna sualangaha.
A·jao sal karirangni dingtanganio mi misirangni namdapani aro bite nangatanina technology bosturang aro dam komianio gama ge·aniko dakna tang·doatanichi game ge·e cha·enggiparangni bilakaniko rikna ICAR-KVK-ni jotton ka·angkuanio program-ko ong·ataha.

spot_imgspot_img

Related articles

UAE heat forces 30-minute delay in Asia Cup matches

Dubai, Aug 30: The start time for 18 out of the 19 matches in the upcoming Asia Cup...

Gill awaits fitness test for Asia Cup

Bengaluru, Aug 30: India Test skipper and T20 vice-captain Shubman Gill reached the BCCI Centre of Excellence here...

Oman skipper ready for maiden Asia Cup

New Delhi, Aug 30: When Oman steps out for their maiden Asia Cup game against Pakistan in Dubai...

Indian fan zones sold out: CA

Melbourne, Aug 30: Cricket Australia has announced that the dedicated Indian fan zones at all eight venues for...