Tura:West Garo Hills a·jani Tura Nazing Bajar-o donggipa Food Corporation of India (FCI) godown-o kam ka·engggiparangni mangni dormaha-rangko tik ong·e on·jaengani bidingo contractor-rangni kosako sing·sandianirangko dakchina , A·chik Conscious Holistically Integrated (ACHIK) Krima dolni dilgiparangna badi ka·doataha. Kobor-na u·iatani gitade, Tura-ni FCI godown-o kam ka·enggipa manderang ba labourer-rangna uamangni man·gni tangka paisarangko chu·ongagita on·jaengani bidingo aro kam ka·e cha·enggiparangna sorkarini tik ka·gimin hajira-rangni bidingo, jako ra·e kam ka·enggipa contractor-ni uamangna maming u·iatanirangko on·jani gimin aro uamangni man·gni tangka paisarangoniko baksana Employees Provident Fund (EPF)-rangonikoba maming u·iatani gri katiengani bidingo, ACHIK Krima Balsanang Unit-ni dilgiparangna lekka sedoataha ine parakataha. Indake ACHIK Krima-dolni dilgiparang ia badi ka·doanio pangchake re·anggipa sukrobar salo Turani FCI office-ona iani bidingo sing·sandianirangko dakahanio, FCI staff-ni member-rang jako ra·e kam ka·enggipa Shillong-o dongenggipa contractor-ni donggijako pa·sike iani bidingo maming aganchakanirangko on·na man·jaha ine kobor-na u·iataha. Tura-ni FCI-o kam ka·e cha·enggiparangko jako ra·e nirok simsakaniko dakna gita Arjun Nongrum-na contract-ko pakwataha unikoa Biknal M. Marak-ko local representative dake donahachim. ACHIK krima-ni dilgiparang uamang iani bidingo talbatna gita aro kam ka·enggiparangna nambata talataniko on·na man·a gita sing·sandianiko dakanio FCI office-o jako ra·e kam ka·enggiparangni maming aganchakanirangko man·jani gimin, re·baenggipa July-15 tariko re·angtaianiko dakna tik ka·ange, ua somoio jako ra·e kam ka·enggipa contractor donge kam ka·enggiparangni tangka paisarangko chu·onggija on·engani aro EPF-rangoniko katiengani bidingo chu·gimik talataniko on·na nanggen ineba u·iatangaha. Una agreba, Kobor ra·timgiparangna, ACHIK Krima Balsanang Unit-ni General Secretary Pilbirth Ch. Momin-ni parakatani gitade, ACHIK Krima-ni dolrang, changgipino iani bidingo dolgnini gisepo name talgrikaniko dakna man·a gita wage records aro nangchongmotgipa lekkarangkoba simsaksopachina Labour-in-charge-na u·iatangaha ine Momin parakataha.
| ReplyForward |