WIlliamnagar: Niksamso Garo Community Organization (NGCO) changsatai, bilsi 2016-17-oni a·bachenggipa eco-tourism project-rangko da·onaba matchotkujaengani gimin sing·doaha.
Iana skangba NGCO, Garo Hills-ni dingtang dingtang bakrango komibeoba ming 12 projecte-rangko matchotgija galchipe donenggiparangko sandie video aro photo-rangko ra·e sakkirangko mesokaha. Tourism Minister Paul Lyngdoh, ua matchotgija project-rangko matchotaha ine a·kangani gimin Minister-ko matnangaha.
Niatna gita South West Garo Hills-ni Tura (Pelga Dare)-ni project-ko nikna man·gen, project-ni gipin bakko East Garo Hills-o rikna tik ka·ahachim.
Indake NGCO, uamangni sandie photo aro video ra·giparangko sakki gita on·aha. Uamangni mesokgipa video ge·sao Nok-A·chik rikgipao buring samsirang chae dongako nikna man·aha. Batanggimin bilsi 2023-ona iani bidingo badi ka·doahachim.
Ia antio NGCO-ni president Tengrak Marak aro gipinrang changsatai Williamnagar- Nengmandalgre aro Bolkinggre jolrangona re·ange niroketaiaha.
Nengmandalgre – EGH
Bilsi 2023-o NGCO-ni changni chang project-ko matchotna dabiani ja·man East Garo Hills-ni Nengmandalgre-o rikgipa Nok A·chikko meja bilsi 2024-osa matchotaha.
Nok A·chik rikako matchotgenchimoba nama bewalo rikja. Ia project-na 48,05895 tangkako jakkalahachim indiba chu·gimik rikna nanga gita rikja.
NCCO-ni nirokna re·angaon songni secretary-ba re·angpaha.
Uandake Nok A·chikko kra bewalo aro skang chasongrangoni ja.rikgipa bewalo rikna songni manderangna pakwatchina gita mol·molahachim indiba knachakjaha.
“Chinga ia project-ko ra·chaknan man·kujaenga maina ia project-ko rikna gita maidake tik ka·ahachim ugitan ong·ja aro tangka jegita jakkalahachim uni krian ong·ja. Minggipin borangde nostoba ong·piljok.
Ia tourism structure-o chu·gimik dingtang dingtang ming 12 facility-rang dongna nangachim indiba uarangara banosa? Solar light, rainwater harvesting structure, landscaping, exterior lanscaping, pakwa, rama, biologicial watern fencing ba uandakgiaprang dongna nangachim, uarangara banosajok?
Nengmandalgre-ona re·na gita namgipa ramarangba dongja, uni gimin chinga ia project-ko chu·gimik matchotgijade ra·chakna man·jawa, iandakgipa nokrango maidake gipin biaprangoni sokbagipa manderangko dongchakatgen ine secretary aganaha.
Bolkinggre – EGH
Bolkinggre-o rikgipa toursim project-ona sokna gita ramaan dongja. Borangkoba rikna aganachim, uaba dongja. Nok A·chik, washroom septic tank aro bandasal-san donga.
The walls within the rooms have been set up with plaster in which bamboo canes have been placed. Many of these were already peeling off the walls.
NGCO members during the visit stated that the situation was the same for all 10 sites in the district of EGH.Ia eco-tourism project-ko bilsi 2017-o a·bachengahachim.
Iandake matchotgija rike dongipa projecte-rangko Tourism Minister aro official-rang re·bae nichina, maina department, ia project-rangko matchotaha ine tol·aha, uni gimin chinga gimik tourist officer-rangko re·bae nirokechina mol·mola ine Tengrak aganaha.
EGH-ni gimik project-rangko da·ode JC Infra-san nirokenga, jekon skangode gipinsa niachim.
