Shillong: Meghalaya-ona salbrina wenbaani bon·kamgipa salo ma·mongni Finance Minister Smt Nirmala Sitharaman, Sohra-ni mingsinggipa Ramakrishna Mission Ashram School-ona re·angaha.
Ramakrishna school-ona re·angaon Minister, Swami Ramakrishnanda aro Swami Vivekananda-ni statue-o pulko done mande ra·aniko mesokaha. Indake Minister-na Misison-ni vocational training facility-ko mesokangaha, jeon sak 100 me·chikrangna indin tangka nanggija training-ko on·enga.
Ramakrishna Mission Sohra-ni Secretary Swami Anuragananda, Minister Sitharaman-na institution-ni kamrangko talate on·aha. “Salgro salaram a·jao gitchambatgipa centre ong·ani gimin Minister, ia institution-ni itihasni gimin u·ie ra·na sikaha.
“Indake me·chik entrepreneur-rangko dingtangmancha grongaha. Aro Meghalaya a·dokni niksenggipa manderang jekai- Bah B.B Lyngdoh, gitcham Chief Minister, Bah G. G Swell, Bah Donkupar Roy, bureaucrats, technocrat aro gipinrang jemangan Mission-ni kamrangko dangdike on·aha uarangni gimin sing·e ra·aha.
Sohra-ni Ramakrishna Mission School, bilsi 100 gapjok. Indake Sitharaman, campus ning·o bol charako ge·angaha.
Meghalaya-ona wenbaani bon·kamgipa salo Ramakrishna Mission School-o nappakanga
Date:
Share post:
