SHILLONG: State BJP Vice President aro Tura MDC Bernard N. Marak, Governor-ni ra·chakani donggija kajinarangko gilengani gimin GHADC-ni Executive Member, Taxation-ni incharge Grahambell A. Sangma-ni kosako niam gita ja·ku de·na mikrakataha.
Ia bilsi 2025 June 16 tariko Executive Member Taxation incharge Grahambell A. Sangma-na seatgipa chittio Marak, kajinarangko gilengani gimin sing·e salchikingni gisepo aganchakna dabiaha, aganchakna man·jaode uni kasako ja·ku de·na aganataha.
“Sal 10 somoini gisepo aganchakaniko man·jaode, niam pe·anirangna mokordoma ka·anggen aro manderangna aganchakna nanggen. Niamgri kajinarangko gilaniara aro tangka paisani bidingo golmal ka·aniko nie dongna man·jawa. Ian dal·bea jajrengani ong·a, uni gimin ta·raken ia mamlako nirokna nanggen. GHADC, constitutional framework ba niamko ja·rikgipa ong·na nanga aro tangka paisani mamlako name dake nirokna nanga ine Bernard seataha.
Meja March jao GHADC session-ko ong·atao Executive Membor-ni aganchakanio pangchake, Bernard Marak, tribal aro non-tribal manderangoniko trading license fee-ko ra·ani gimin sing·aha. Constitution-ni Sixth Schedule Paragraph 8-ni gita kajinako gilna skang Governor-ni ra·chakaniko man·chengna nanga. Governor-ni ra·chakaniko man·gija maidake kajina gilna man·a, sawa authority-na niamgri kajina gilna bilko on·na? ine sing·aha.
Minggipin GHADC-ni niamgri kajinarangko gilani gimin jajrenganiko janapengon, batanggimin ja 40 somoirangonin GHADC-o kam ka·giparang dormahako man·kujaengani giminba Marak, suk ong·gijako parakaha.
Uni seatgipa chittio Marak, niamgri kajina gilani gimin aganchakchina dabiaha.
Niamgri kajina gilani bidingo Bernard, GHADC-ni kosako ja·ku de·na mikrakata
Date:
Share post:
