SHILLONG: Da·o dipet BJP dol, a·dokni mongsonggipa lekka puonanirango chena man·jaengani gimin party-ni dilgiparangko aro dakchapgiparangko chakchikchina Cabinet Minister aro BJP dilgipa, AL Hek mol·molangaha, 2028 bilsio Meghalaya-o BJP sorkariko rikgen ine skangoni a·kangbaenganina talatdapataha.
Ma·mongo bilsi 10-na BJP dol sason ka·genchimoba a·doko jedakgipa cheaniko ra·bana saffron party man·jaenga, a·doko AL Hek aro Sanbor Shullai-ni ge-2 seat-osan chebaaha.
BJP dol skango sak MP-rangsan donga aro da·alo sak 240-na MP-rang bataha, politics-o mikkangchini gimin mamingkoba agansona man·ja ine Hek aganaha.
Meghalaya a·doko BJP namen dakenga ine ka·donganiko on·angaha, sal sokbaon a·doko party ong·e chu·sokgipa ong·gen ine party-na chakpgiparangko chakchikchina ua mol·molangaha.
“Chu·sokani krongrangko chu·sokgijagipa dake watgalnabe,” ine ua 2028 bilsio BJP dol Meghalaya a·doko sorkari rikgen ine a·kangani somoio aganaha.
Hek-ni aganani gitade, party-o candidate-rang donga aro 2028 bilsini Assembly poll-rangna party tarisamsomanengaha.
Sanbor Shullai aro uni gisepgriko cabinet-ko jujaatani bidingo party dilgiparangni gita chanchianggen, ine Hek aganaha.
Meghalaya-ni Rajya Sabha seat-ko BJP dolna on·a ong·ode badia alliance MDA-o ong·gen ine sing·anina ua aganchakangaha, ian NPP-o pangchaka, maina uamangan alliance-o dal·batgipa bakrimgipa ong·enga aro BJP dolni gita bakrimna namnika.
