TURA: Phulbari Rajabala NH-127B rama namsrangjaenganina All Meghalaya Minorities Student Union (AMMSU) Additional Chief Engineer NHA Tura Division-na chitti sedoataha.
Uamangni seatgipa chittio janapatani gitade, West Garo Hills-ni Phulbari-oni Rajabala-ona re·gipa mongsonggipa rama aro wilwilao donggipa songjinmarangona jedake, Tura, Goalpara, Guwahati, aro gipin biaprangonaba re·na nanggipa NH-127B jekon AMPT rama ineba mingachim.
Ua rama tarienggipa namsrangja a·klok daktokani a·sel da·o gita mikka wachini somaoirangode a·klokrango chi skonge dongani gimin gari salgiparang ramako nikja ine AMSU janapataha.
Ia rama namgijanichi mongsongbate nang·nikaniko manenggiparangara sak ritchani ritcha salantio skul aro college-ona auto aro van-rango re·ruraengipa chatro chatrirangna nengna nanggipa aro maming naljokani donggijagipa ong·e neng·nikaniko manenga ine janapangaha, salantio jolni pale sime cha·gipa aro bosturangko salruraenggipa garirangna neng·nikaniko man·a, unbaksana sagipa dinggiparangko, obosta namsrangjaode, Tura Goalpara ba Guwahati-rangona rang·gitik ra·angna nangode ramani a·sel ja·dongatako man·e janggina kenchakna nangenga ine agnangaha.
Uni gimin sakantinan re·togipa ong·na gita Phulbari Rajabala NH-127 ramako taraken a·klokrangko dape chikariko name tarie on·china All Meghalaya Minorities Student Union(AMMSU) Additional Chief Engineer NHA, Tura Division-ko mol·molangaha.
AMMSU NH-127B ba AMPT ramako ta·raken tarichina Add. Chief Engineer NHA Tura Division-ko mol·mola
Date:
Share post:
