SHILLONG: University-ni a·bachenggipa Academic Council tom·ani matchotani ja·mano, Captain Williamson Sangma State University (CWSSU)-ni skanggipa 2025–26-ni academic session-ko a·bachengna gita tarisoenga.
Tom·ani ja·mano Registrar Ambrose Ch Marak agana je, academic session-ko a·bachengna nanggipa mongsonggipa niamrangko university-o ra·gatmanaha. Ia ra·gatgimin niamrango, admission-rangko ra·ani, fee-rangko ra·ani, kamni ka·ani niamrang, ugita gipin nangchapgipa niamrangko tariman·aha.
Tom·anio namedaken chanchirimaha, aro ia tom·anio university-ni dal·rorognini gimin chanchiaha jeon pilak Academic Council memborang bakko ra·aha, aro chugipa gadangni skia-poraianiko on·anio ja·manchakenggipa a·doko CWSSU-ko a·bachengani cholko dakna chanchirimtokaha ine Marak aganaha.
Indake 21 undergraduate aro 15 postgraduate-na Council, syllabus-rangkoba ra·chakaha, jeon dingtang dingtang subject-rang jedake Anthropology, Assamese, Biochemistry, Botany, Chemistry, Commerce, Economics, Education, English, Environmental Sciences, Garo, Geography, History, Khasi, Mathematics, Philosophy, Physics, Political Science, Social Work, Sociology, aro Zoology sunject-rang donggen.
Ia syllabus-ko Boards of Studies-tangtang gita June 2025-o tariman·aha, aro iako National Education Policy (NEP) 2020-o pangchake tariaha.
Council, ge 36 Boards of Studies baksa bakrime university-ni syllabus-ni gimin kamrangko ka·aha.
Indake University-ni pilak kamrangko ka·ani ja·mano ia bilsion 2025-2026-ni skanggipa academic session-ko CWSSU-o a·bachengna ja·ku ga·engaha ineba Marak aganaha.
CWSSU-o ia bilsionin academic session-ko a·bachenggnok: Registrar
Date:
Share post:
