Resubelpara: Horticulture a·bao game ge·e cha·enggiparangko dakchakna miksonganio, Mongolbar salo North Garo Hills a·jani Resubelpara-ni Bakrapara Multi Facility Hall-o CM Farm+ Inputs Distribution programme-ko ong·ataha.
Programme-ko Resubelpara District Horticulture Officer-ni gita ong·ataha, gama ge·anirangko bite gnanggipa ong·atna aro namdapatna aro Inputs Distribution-ni gita game ge·e cha·enggipani man·gniko dunagni ong·atna gisiko nangbate programme-ko ong·ataha.
Game ge·e cha·anio chu·sokgipa ong·na nangchongmotgipa cholrangko beneficiary-rangna on·a, nongchongmotgipa on·anirang jekai High Yielding Variety (HYV) chararang aro gipin gama ge·anio jakkalgipa bosturangkop sualangaha.
A·doko gimiko game ge·e cha·enggiparangni man·gniko bariatna aro gama ge·ani bosturangko bite gnanggipa ong·atna Chief Minister-ni gita CM Farm+ programme-ko a·bachengataha, ine Resubelpara-ni MLA aro Deputy Speaker Timothy D Shira mongsonggipa sokgipa ong·e aganaha.
Bagano bang·a rokomni bite nanggiparangko ge·anio namgipa gadang bite nangatna aro bang·bate ong·katatna horticulture crops-o scientific method-o ge·ani bidingo Shira gisiko nangbate aganaha. Ia programme-ni gita beneficiary-rang gama ge·ani bosturangk, gama ge·anio scientific method-rangko skie ra·na, technical-ni gimin skie ra·na aro gipin nangarangko jeon uamangni janggi tanganio tang·dodapna man·a gita uamangni gama ge·anio ranta ka·aniko namdapatna songadamrango game ge·e cha·enggipako dakchakani bosturangko man·sogen, ine ua agandapngaha.
Gama ge·ani niamrangko jarikanichi programme-o on·giparangko name dake ge·china beneficiary-rangko ua mol·molangaha. Jean rural community-ko dakchakana aro game ge·e cha·enggiparangna kam eka·e cha·na cholrangko ong·katatna man·gen.
Beneficiary-rang jemangan HYV bolam biteni chararangko man·sogiparang nambatgipa bolam biterangko man·a aro gimaaniko komiatna name dake nirokchina uni katta agananio North Garo Hills’ Additional Deputy Commissioner, YW Momin kan·dike agan-talataha.
Beneficiary-rang jemangan sam-bolrangni rate-ko tange rakkina subsidy-rang ba grant-rangni gita antibazar-rangko sorkari bakrimate on·nan baksana tangka paisarangchi dakchakgen ine ua aganaha.
Salma G Momin, ADH, Horticulture Department, Resubelpara, CMFarm+-ni ning·o a·a hectare 10,000-o High Value Crops-ko ge·anganichi a·dok sorkari tangka kror 300-ko man·dapaha ine programme-ni miksonganiko agan-talataha.
Project, High Value Crops-rang jekai Vanilla, avocado, gulmoris, cocoa, dalchini, elaichi aro ugita dakgiparangko uamangni gama ge·anio jerangan man·gnirangko on·a man·giparangko ge·china didiangaha.
Game ge·e cha·enggiparangni man·gniko namdapatna miksonganio gama ge·ani bosturang jerangan high value crop-rang ong·a indakgiparangko ge·anichi nambatgipa janggi tanganina gama ge·anirangoni ge·sa programme ong·a ine ua agandapangaha.
Deputy Speaker Timothy D Shira, seoka man·gipa beneficiary-rangna vanilla, gulmoris aro gipin high value crops chararangko sualangaha.
