TURA: West Garo Hills-ni Shymanagar, KVK Campus aro West Garo Hills District-ni Kherapara songni Community Centre-o July 15-oni 17-ona ICAR-CRIJAF, KVK baksa nangrime NEH-NER component-ni ning·o awareness cum input distribution program-ko ong·ataha.
ICAR, CRIJAF-oni aro KVK, West Garo Hills-oni Demdema, Gambegre aro Dalu Block-ni song dam 33-oni sak 300-mang game cha·giparang programe-o bakko ra·aha. Dr. T. Samajadar, PS, CRIJAF, P Das, RRS, Sorbhog aro Dr. Tarun Kr Das aro N. Arunkumar Singh, KVK, West Garo Hills-oni programme-o kamko ka·aha.
Dingtang dingtang game-su·e man·anirangko tariani technology-rangna dingtang dingtang neng·nikanirangko Farmer-Scientist chanchigrikao janapaha.
ICAR CRIJAF aro KVK West Garo Hills-oni gisik a·ning bitgiparang aro official-rang, merongko tarianina, vermicomposting, me·gumu tariani gita nangchape gamgiparangni dingtang dingtang sing·anirangna aganchakaha.
Mitam gamgiparang re·baenggipa sal kario dingtang dingtang rokomni merongrangko ge·na gisik nangengaha. Baket, mog, chi ruani, chi pipe, atchili, gitchima aro khurpi gita gama-su·ao nanggipa mal-bosturangko gama-suanio nanganirango olgrokna gita gamgiparangna suale on·angaha. Gama-suao nanggipa bosturangko man·anina gamgiparang uamangni kusi ong·aniko janapaha maina uarang salanti gama-suanirango uamangna dakchakani ong·gen.
WGH-o ICAR-CRIJAF, KVK Awareness cum Input Distribution Program-ko ong·ata
Date:
Share post:
