SHILLONG: Block headquarter-rang aro District Headquarter-rang baksa nangdimatna ka·dongchakna man·gipa bus network-ko a·bachengatchina Meghalaya sorkari, Chief Minister’s Regional Transport Scheme 2025-na u·iataha.
Office re·anggipa, chatro chatrirang aro sagipa dinggipa manderang ba ugita dingtang dingtang nanganirangna District Headquarter-rangona re·bagiparangni songre songgabataniko altubatatna miksonge pring 9 bajio sokatna aro re·bapilani attam 5 bajio gari bus-rangko scheme-ni gita Block headquarter-rang aro District Headquarter-rangni gisepgriko watgen.
Ia scheme-ni gita public transport-ko watna entrepreneurship dakgiparangna scheme-ko a·bachengataha, Block HQ aro District HQ-ni gisepgriko ramarangko tarie gari bus-rangko chaliana sikenggipa entrepreneur-rangna on·a tangka paisani gita sorkari dakchakaniko ong·gen. Gari breani chu·gimik damoni 50%-ko tangka paisachi dakchakgen jeon loan-ni bidingo bank-ni gita chu·gimik interest-ko ra·anggen.
Ia scheme-ni gita sorkari, jedakgipa damoni garirangko brena entrepreneur-rangko sorkari dakchakaniko on·dapgen, jeon dingtangmancha dakchakaniko on·dapanggem jakai training-na agreba sak 32 asongna man·gipa seat-rangona man·chapata.
Transport Department-ni Secretary-chi State level screening committee-ko dilanichi dorgasto galgipa gimikko name dake nianggen.
Seoka man·gipa manderang CM RTS Operator Training Programme-o skie ra·na nangtelanichi dongna nangchongmotgen jekon MTC-chi ong·atanggen. Scheme-ko Block Hq aro District Hq-ona rama dilprako gari bus bolgniko chaman baksa bilsignina gamani bidingo gadanggnio chu·sokatgen.
Mitamko gamsochenggipa dake garini on-road damni 35%-ko Meghalaya sorkari on·gen, on-road-ni 5%-ko operator on·gilna nanggen.
Dongkuenggipa 60%-ko loan-ni gita gamna nanggen, bilsi 5-na janti gamanichi matchotatna nanggen.
Uamangni EMI-o gamaniko dakchakna sorkari sorkari, EMI-ni 30%-ko subsidy dakgen, dongimin niamko chu·sokatangna janti chalaigipana joljol gamna nanggen. Chalaienggiparang bus garirango GPS-ko telna nangtelgen.
Garirangko namgipa bewalo jakkalaniko name dake rakkina nangchongmotgen aro Meghalaya Transport Corporation-ni dongimin guideline-rango pangchake naljokani aro rongtal-antalaniko rakkina nanggen.
