SHILLONG: Chhattisgarh a·doko rim·a man·gipa Kerala a·dokni Catholic Sister sakgniko watpilchina didie, Meghalaya a·dokni Cabinet Minister aro BJP MLA AL Hek, Chhattisgarh a·dokni Chief Minister Vishnu Deo Sai-na sedoataha.
Iani bidingo ua, Chhattisgarh a·dokni Chief Minister baksa ku·siliting gitaba agangrikataha aro ia sister sakgniko ta·raken watpilchina mol·molataha.
Chhattisgarh a·dokni Chief Minister baksa ku·siliting gita agangrikatani ja·man, ua dingtangmancha sister sakgniko watpilchina mol·mole chittikoba seataha. Ia sister sakgniko ta·raken watpilna gita Chhattisgarh a·dokni Chief Minister-ba una ku·rachakaniko on·ataha.
Assisi Sisters of Mary Immaculate (ASMI)_ni Catholic sister sakgniko, re·anggipa July 26 tariko, bilsi 18 aro 19 ong·gipa me·chik sakgittam baksa Narayanpur a·jaoni re·angengmiting somoio pante saksa baksa Durg Railway Station-oniko rim·ahachim.
Ia sister sakgniko, Bharatiya Nyaya Sanhita (BNS) aro Chhattisgarh Religious Freedom Act 1968-ni ning·o mande palsruka aro torom dingtangatna jotton ka·a matnangenba rim·ahachim.
Rim·ako man·gipa Catholic sister sakgniaar Preety Mary aro Vandana Francis ong·a aro uamang baksa rim·ako man·gipa panteara Narayanpur-oni Sukhman Mandavi ong·achim.
Rim·ako man·gipa sister sakgnian Kerala a·dokoni ong·a.