Saturday, August 23, 2025
spot_img

Chhattisgarh-o rim·gipa Catholic Sister-rangko watpilchina Tura MDC-ba didia

Date:

Share post:

spot_imgspot_img

TURA: Chhattisgarh a·doko rim·a man·gipa Kerala a·dokni Catholic Sister sakgniko watpilchina gita Meghalaya a·dokni Cabinet Minister aro BJP MLA AL Hek-ni didiatani ja·man Tura-ni MDC aro BJP-ni state vice president Bernard N Marak-ba, ia Sister sakgniko watpilchina gita Chhattisgarh a·dokni Chief Minister Vishnu Deo Sai-na sedoataha.

Assisi Sisters of Mary Immaculate (ASMI)-ni Catholic Sister sakgniko, re·anggipa July 26 tariko, bilsi 18 aro 19-ni gisepo ong·gipa me·chik sakgittam baksa Narayanpur a·jaoni re·angengmiting somoio pante saksa baksa Durg Railway Station-oniko rim·ahachim.

Ia sister sakgniko, Bharatiya Nyaya Sanhita (BNS) aro Chhattisgarh Religious Freedom Act 1968-ni ning·o, mande palsruka aro torom ra·draatna jotton ka·a ine matnangenba rim·ahachim.

Rim·ako man·gipa Catholic sister sakgniara Preety Mary aro Vandana Francis ong·a aro uamang baksa rim·ako man·gipa panteara Narayanpur-oni Sukhman Mandavi ong·achim.

Ia Sister sakgniko watpilchina gita Chattisgarh a·dokni Chief Minister-ko didiatengon, songsalna dangdike on·gipa aro lekka porako on·gipa toromni manderangko rim·aniara a·gilsak gimikon jegalna gita didianiko ong·atgen aro ian Kristianrangni gisepo jegalna kragipa kam ong·e Kristian a·songrang baksa nangrimaniko golmal ong·atani cholrang donga ine Tura-ni MDC Bernard Marak parakataha.

“Niamde darangnan apsan ong·a aro darangkoba watna man·ja, indiba ia Catholic Sister sakgnini kosako bichal ka·anirango, uamangni bakrimani aro uamangni dosgri ong·ani sakkirangko mesokna gita cholko on·e, ia a·selni bidingo sandirokchina anga mol·molenga,” ine Marak, Chhattisgarh a·dokni Chief Minister-na seatgipa chittio janapataha.

Catholic Sister-rangko rim·aniara, Kristianrangni ‘Good Governance’-o bebera·aniko nisiani gita ong·naba gnang ineba Tura MDC parakataha.

Iani bidingo salsa skangsan a·dokni Cabinet Minister aro BJP MLA AL Hek-ba, Chhattisgarh a·dokni Chief Minister baksa ku·siliting gita agangrikataha aro ia sister sakgniko ta·raken watpilchina mol·molatahachim.

Chhattisgarh a·dokni Chief Minister baksa ku·siliting gita agangrikatani ja·man, ua dingtangmancha sister sakgniko watpilchina mol·mole chittikoba seataha. Ia sister sakgniko ta·raken watpilna gita Chhattisgarh a·dokni Chief Minister-ba una ku·rachakaniko on·ataha ine u·iatahachim.

spot_imgspot_img

Related articles

PM urges private sector to build 5 Unicorns, make 50 rocket launches annually in next 5 years

New Delhi, Aug 23: India is set to scale new heights in the space sector, said Prime Minister...

After ED, CBI raids premises linked to Anil Ambani in Rs 2,000 crore bank fraud case

Mumbai, Aug 23:  Days after the Enforcement Directorate (ED) questioned businessman Anil Ambani in a money laundering case,...

Shubhanshu Shukla filled every Indian with pride by hoisting national flag on space station: PM Modi

New Delhi, Aug 23: Astronaut Shubhanshu Shukla filled every Indian with pride by hoisting national flag on the...

PM Modi likely to inaugurate Bairabi–Sairang railway project in Mizoram on September 13

Guwahati/Aizawl, Aug 23: Prime Minister Narendra Modi is likely to inaugurate the 51.38 km Bairabi–Sairang new railway project...