Sunday, August 31, 2025
spot_img

Dingtang a·dokko dabienggipa Tribal dolrang, Delhi-o jingjengatgen

Date:

Share post:

spot_imgspot_img

SHILLONG: Assam a·dokni Karbi Anglong, Meghalaya-ni Garo Hills aro Tripura-o dingtang a·dokko dabienggipa Tribal dolrang, re·baenggipa August jao, Delhi-ona re·ange, jingjengatanirangko dakna tik ka·angaha.
Iani bidingo National Federation for New States (NFNS)-ni dilgiparang, Budbar salo Shillong-o tom·e chanchirimangenba, re·baenggipa August jao, dingtang a·dokna dabie jingjengatna tik ka·angaha.
NFNS-ni u·iatani gitade, uamang Delhi-o donggipa Jantar Mantar-o jinma asonge, an·tangtangni dabianirangko knachakchina ma·mong sorkario dabianggen.
Ia tom·anio, NFNS-ni vice president aro Garo Hills Autonomous District Council (GHADC)-ni Deputy Chief Executive Membor Nikman Ch Marak, NFNS-ni general secretary aro Joint Action Committee for Autonomous State (JACAS) of Karbi Anglong-ni membor Stalyn Ingty baksana dingtang dingtang dilgiparangba bak ra·angtokaha.
NFNS-o bakrimenggipa dolrangara, Garo Hills-oni Garoland State Movement Committee (GSMC), Tripura-oni Indigenous People’s Front of Tripura (IPFT), Khasi Hills-oni Hill State People’s Democratic Party (HSPDP), Assam Karbi Anglong-oni JACAS aro gipinrang ong·a.
“Chinga August 20 tarikni ja·man Delhi-o dal·begipa jingjengataniko ong·atna tik ka·aha. Ian chingni gital dabianirang ong·ja maina skangonin Karbi Anglong, Garo Hills aro Tripura-o Tribal-rangna dingtang a·dokko dabianirang donga,” ine NFNS-ni general secretary Stalyn Ingty aganaha.
Ingty-ni aganani gitade, South India-o Telangana a·dokna dabiani chu·sokgipa ong·aha indiba salgro salaram a·dokrango songdongenggipa Tribal-rangni dabianirangkode ma·mong sorkari knachakkujaenga.
Delhi-o jingjengataniko dakanio manderangni bakrimaniko am·na gita NFNS-ni tom·aniko Tura, Karbi Anglong, Delhi, Vidarbha aro Tripura-o ong·ataha ineba ua aganaha.
Indake ong·engon, August 23 tarikni ja·man uamang, Union Home Minister Amit Shah-ko gronge agangrikna gita somoiko ra·na miksongenga ine NFNS-ni vice president aro GHADC-ni Deputy CEM Nikman Ch Marak parakatskaaha.

spot_imgspot_img

Related articles

Satwik-Chirag stun nemesis Chia-Soh in quarterfinals

BWF World Championships India assured of World Championships medal Paris, Aug 30: Star Indian shuttlers Satwiksairaj Rankireddy and Chirag Shetty...

Malaysia stun Korea, Bangladesh crush Chinese Taipei 8-3

FIH Asia Cup Rajgir, Aug 30: Korea’s Asia Cup title defence received a massive jolt after being stunned 4-1...

Pak to visit India for Junior World Cup: Hockey India

Rajgir (Bihar), Aug 30: Pakistan will travel to India later this year to compete in the FIH Junior...

Focused on securing WC spot: Salima Tete ahead of Asia Cup

Bengaluru, Aug 30: Skipper Salima Tete said the Indian women’s hockey team is determined to “secure a spot...