Sunday, August 31, 2025
spot_img

Catholic Sister sakgniko rim·anina GHCU jegala

Date:

Share post:

spot_imgspot_img

TURA: Re·anggipa July-ni 25 tariko, Kerala a·dokni Catholic Sister sakgni, chong·motan Sr Vandana Francis aro Sr Preethi Mary-ko mande palsrukna aro torom ra·draatna jotton ka·e ine matnangenba, Chhattisgarh a·doko rim·anina Garo Hills Catholic Union (GHCU) raken jegalataha aro ia Sister sakgniko watpilchina Chhattisgarh sorkariko didiataha.

Assisi Sisters of Mary Immaculate (ASMI)-ni Catholic Sister sakgniko, re·anggipa July 26 tariko, bilsi 18 aro 19-ni gisepo ong·gipa me·chik sakgittam baksa Narayanpur a·jaoni re·angengmiting somoio pante saksa baksa Durg Railway Station-oniko rim·ahachim.

Ia sister sakgniko, Bharatiya Nyaya Sanhita (BNS) aro Chhattisgarh Religious Freedom Act 1968-ni ning·o, mande palsruka aro torom ra·draatna jotton ka·a ine matnangenba rim·ahachim.

Indake ong·engon, ia Sister sakgniko rim·anina GHCU jegalatskaenba, torom ra·draatna aro mande palsrukna jotton ka·a ine uamangni kosako matnanganiara kakket ong·ja ine parakataha.

“Ia sister-rangara, an·tangtangko on·kange, kangal cholgrirangko aro chol ong·pagijagipa manderangko dakchakna kamko ka·enggiparangsa ong·a aro uamangko iandake matnange rim·aniara ka·sachakani, bebera·ani aro an·tangtangko on·kange dangdike on·gipa manderangni kosako chadrapani gitasa ong·enga,” ine GHCU-ni secretary HN Marak parakataha.

Ia sister sakgnina GHCU chu·gimik chakpaanirangko on·enga ine janapatengon, ia sister sakgniko ta·raken watpilchina aro iandake toromna kam ka·giparangni kosako ja·kuko de·ani pal, mikbu miknenggrikani, tol·ani aro toromko golmal ka·na jotton ka·gipa manderangni kosako ja·kurangko de·skachina GHCU, Chhattisgarh sorkariko didiataha.

spot_imgspot_img

Related articles

Satwik-Chirag stun nemesis Chia-Soh in quarterfinals

BWF World Championships India assured of World Championships medal Paris, Aug 30: Star Indian shuttlers Satwiksairaj Rankireddy and Chirag Shetty...

Malaysia stun Korea, Bangladesh crush Chinese Taipei 8-3

FIH Asia Cup Rajgir, Aug 30: Korea’s Asia Cup title defence received a massive jolt after being stunned 4-1...

Pak to visit India for Junior World Cup: Hockey India

Rajgir (Bihar), Aug 30: Pakistan will travel to India later this year to compete in the FIH Junior...

Focused on securing WC spot: Salima Tete ahead of Asia Cup

Bengaluru, Aug 30: Skipper Salima Tete said the Indian women’s hockey team is determined to “secure a spot...