SHILLONG: India sorkarini Special Assistance Grant-ni gita on·chenggipa kror 100.71 tangkako Garo Hills Autonomous District Council (GHADC)-ni jakkalsretaniara Meghalaya-ni dolgittam Autonomous District Councils (ADCs) -ni financial-ko golmal ka·an baksa ADC-rangko bilgriatna miksonganiko mesoka, ia mamla Meghalaya Kokayukta -ni jako matchotgija dongenga ine Opposition dilgipa Mukul Sangma aganaha.
Grant-ni gimin talatengon Dr. Sangma indine aganaha, “tangka watna skang India sorkari, Meghalaya sorkari aro Achik National Volunteer Council (B) iamang dolgittam tripartite tax settlement-ko soi ka·aha. Ma·mong sorkari Constitution-ni Sixth Schedule-ko taridapna nangnikarang dongode uko nirokna aganaha.
Bilsi 2015–2016-o, India sorkari, dolgittam ADC-rang- KHADC, JHADC aro GHADC-na tangkako wataha. Chu·gimik tangkaoniko GHADC, kror 100.71 tangkako man·aha. Ua tangkako chingni sorkari jolan wataha ine Mukul aganaha.
Indiba ua tangkarangko GHADC-o jakkalsretaha, jekon RTI-o u·ina man·aha.
Ia mamlako Meghalaya-ni Lokayukta nirok-sandina jako ra·aha, indiba da·onan ia case-ko matchotgija donchipenga ine agankuaha.
Ma·mongni watgipa tangkako jakkalsretani gimin ADC-rang bilgrienga
Date:
Share post:
