SHILLONG: Gittamgipa changna Meghalaya Pineapple Festival-ko Sukrobar sal dipet, New Delhi songjinmani Dilli Haat-o a·bachengataha aro ia festival-ko Union Agriculture & Rural Development Minister Shivraj Singh Chouhan, Meghalaya a·dokni Chief Minister Conrad K Sangma baksa a·bachengate on·angaha.
Ia Pineapple Festival-ko a·bachengatani salo, a·doko man·enggipa anarosrangko gipin biaprangona wataniko bariatna gita Meghalaya sorkari, Reliance Fresh, Amazon Karigar aro Blue Tokai Coffee Roasters baksa Memorandum of Understanding (MoU)-o soi ka·grikangjolaha.
Ia gittamgipa Meghalaya Pineapple Festival-ko a·bachengate on·anganio, Union Agriculture & Rural Development Minister Shivraj Singh Chouhan, jinmana aganprakangengon, “Meghalaya a·doko game ge·e man·gipa bosturang bang·batan ong·telaigipa a·salrangchi gamgiparangsa ong·a aro ia bosturangko name pala sim·anichi da·o gittamgipa changna Meghalaya-ni bosturangara namen dingtangchagipa ong·bebea ine mesokaha. Meghalaya a·dokni te·brong, biterang, coffee, anaros, me·gimu, pilakan aiao inmangiparang ong·a,” ine aganaha.
“Da·alo Delhi-ni balwarango Meghalaya-ni similgipa bibarangan gapenga aro ia balwarango Meghalaya-ni cha·tobegipa anarosrangko biba man·enga. Meghalaya a·doko namgipa anarosrangko man·a ine anga skangonin ma·sia indiba da·alo anarosko cha·e nion anga dontongna changpiljaha. Iana skangde anga indakpile chi·gipa aro cha·togipa anarosko cha·e nikkujachim. Ian anarosrangni chi·aniara Meghalaya-ni a·salrangan ong·a,” ineba Chouhan aganaha.
Meghalaya sorkarini kamrangko mittelpilangengon, Meghalaya a·doko game ge·e cha·giparangko aro mongsongbate game ge·e cha·giparangni janggi tanganiko ra·dona rakbee kamko ka·engani gimin Union Minister, Meghalaya a·dokni Chief Minister Conrad K Sangma-koba mittelpilangaha.
Meghalaya a·dokni nanganirangko India sorkari aro Agriculture Ministry chu·sokate on·na kusi ong·aigen ineba Chouhan, ku·rachakaniko on·angaha.
Ia Pineapple Festival-ko a·bachengatanio, a·dokni Chief Minister Conrad K Sangma-ba jinmana aganprakengon, ian gittamgipa changna Meghalaya Pineapple Festival-ko ong·atani ong·enga aro ia festival-ko bilsiantian dal·roroatna man·enga ine an·tangni kusi ong·aniko parakataha.
Meghalaya a·dokni anarosrangko da·o pilak biaprangon manderang am·tokengani gimin da·o bilsiprakon metric ton lak 1.5 anarosrangko game ge·e man·engaha ineba Sangma aganaha.
“Batanggimin bilsirango Meghalaya sorkari, fruit processing unit-rangko bang·en kulie on·na man·aha aro da·alo dingtang dingtang company-rang baksa MoU-o soi ka·grikanichi a·dokni game ge·e cha·giparang, an·tangtangni game ge·e man·gipa bosturangko bang·bate palna sim·na man·gnok,” ine Chief Minister aganaha.
Ia Meghalaya Pineapple Festival-ko August 3 tarikona salantian pring 11:00 bajioni attam 8:45 bajiona Dilli Haat-o ong·atenga.
Ia Pineapple Festival-ko a·bachengatani salo, a·doko man·enggipa anarosrangko gipin biaprangona wataniko bariatna gita Meghalaya sorkari, Reliance Fresh, Amazon Karigar aro Blue Tokai Coffee Roasters baksa Memorandum of Understanding (MoU)-o soi ka·grikangjolaha.
Ia gittamgipa Meghalaya Pineapple Festival-ko a·bachengate on·anganio, Union Agriculture & Rural Development Minister Shivraj Singh Chouhan, jinmana aganprakangengon, “Meghalaya a·doko game ge·e man·gipa bosturang bang·batan ong·telaigipa a·salrangchi gamgiparangsa ong·a aro ia bosturangko name pala sim·anichi da·o gittamgipa changna Meghalaya-ni bosturangara namen dingtangchagipa ong·bebea ine mesokaha. Meghalaya a·dokni te·brong, biterang, coffee, anaros, me·gimu, pilakan aiao inmangiparang ong·a,” ine aganaha.
“Da·alo Delhi-ni balwarango Meghalaya-ni similgipa bibarangan gapenga aro ia balwarango Meghalaya-ni cha·tobegipa anarosrangko biba man·enga. Meghalaya a·doko namgipa anarosrangko man·a ine anga skangonin ma·sia indiba da·alo anarosko cha·e nion anga dontongna changpiljaha. Iana skangde anga indakpile chi·gipa aro cha·togipa anarosko cha·e nikkujachim. Ian anarosrangni chi·aniara Meghalaya-ni a·salrangan ong·a,” ineba Chouhan aganaha.
Meghalaya sorkarini kamrangko mittelpilangengon, Meghalaya a·doko game ge·e cha·giparangko aro mongsongbate game ge·e cha·giparangni janggi tanganiko ra·dona rakbee kamko ka·engani gimin Union Minister, Meghalaya a·dokni Chief Minister Conrad K Sangma-koba mittelpilangaha.
Meghalaya a·dokni nanganirangko India sorkari aro Agriculture Ministry chu·sokate on·na kusi ong·aigen ineba Chouhan, ku·rachakaniko on·angaha.
Ia Pineapple Festival-ko a·bachengatanio, a·dokni Chief Minister Conrad K Sangma-ba jinmana aganprakengon, ian gittamgipa changna Meghalaya Pineapple Festival-ko ong·atani ong·enga aro ia festival-ko bilsiantian dal·roroatna man·enga ine an·tangni kusi ong·aniko parakataha.
Meghalaya a·dokni anarosrangko da·o pilak biaprangon manderang am·tokengani gimin da·o bilsiprakon metric ton lak 1.5 anarosrangko game ge·e man·engaha ineba Sangma aganaha.
“Batanggimin bilsirango Meghalaya sorkari, fruit processing unit-rangko bang·en kulie on·na man·aha aro da·alo dingtang dingtang company-rang baksa MoU-o soi ka·grikanichi a·dokni game ge·e cha·giparang, an·tangtangni game ge·e man·gipa bosturangko bang·bate palna sim·na man·gnok,” ine Chief Minister aganaha.
Ia Meghalaya Pineapple Festival-ko August 3 tarikona salantian pring 11:00 bajioni attam 8:45 bajiona Dilli Haat-o ong·atenga.