SHILLONG: Gimaenggipa 4,000 Matric Tone Koela ko sandichina a·dok sorkari ge·etanga. Deputy Chief Minister Prestone Tynsong ni aganani gitade je matnanganiko kakketko u·ina gita District Administration jako ra·e sandichina. Niamgri koela bikotaniko, badinganiko aro salruraaniko jedakgipachiba sandianiko ra·chaka ine aganangaha. “Da·alo chinga District Administration-na kakketko sandichina aganmanaha aro ja·mano chong·motko ma·siahaon report-ko ma·mong sorkarina watatgen,” ineba aganangaha. Indake ong·engon, Excise Minister Kyrmen Shylla ni aganani gita Meghalaya High Court-na report ko on·a skang Justice BP Katakey-na on·gipa report-o mesokani gitade Meghalaya a·doko mikkarang jimbee waanichiba 4000 MT Koela rang gimaangengnaba man·a ine kobor ra·timgiparangna Tynsong aganangaha. Supreme Court ba ong·china ba je dakgipa agency-ba sandichina chinga rimchaksoa. Iandake niamgri koela bikotani, badingani aro salruraaniko ma·sigenchimode ba rim·na man·genchimode uamangna dongimin niam donga niam gita kam ka·angen. A·dok sorkari pilak District Administration, Superintendent of Police aro department-ranga iani a·selko niatchina aganmanaha ineba Tynsong aganangaha.
