SHILLONG: Shillong-Dawki Road project-ni bak gita Rilbong-oni Upper Shillong-ona tariangenggipa four-lane ramako re·baenggipa December jani gisepon matchotna siengaha indiba da·o ia ramako tariengmiting somoio, rama gimikan a·kolrara dakani a·sel ramako re·ruraenggipa manderang neng·nikanirangko chagrongna nangtokskaenga.
A·dokni Deputy Chief Minister aro PWD (Roads) Minister Prestone Tynsong-ni parakatani gitade, Rilbong-oni Upper Shillong-o donggipa Baniun-ona dakanggipa ia project-ni package 1-ko December jani gisepon matchotna ia ramako tarienggipa official-rang, ku·rachakaniko on·aha.
“Da·ororo mikkarang waana agreba gipin neng·nikanirang dongjagenchimode ia ramako December jani gisepon matchotna gita ramako tarienggipa official-rang ku·rachakaniko on·aha. Mikkarang waengani a·selan ramako tarianio contractor-rang da·o neng·nikanirangko chagrongna nangtokenga,” ine Tynsong aganaha.
Shillong-Dawki Road project-ni package 2, 4 aro 5-koba, re·baenggipa 2026 bilsini bon·angachibara matchotna ka·dongenga ineba a·dokni Deputy Chief Minister aro PWD (Roads) Minister parakataha.