AMPATI: South West Garo Hills District, Garobadha-ni St. Dominic Savio Higher Secondary School-o Mongolbar salo Arts, Crafts, and Science Exhibition – 2025-ko ong·ataha. Ru·uta somoirangoni nichake donggipa ia programko dal·bee ong·ataha.
Ia bilsini programo Garobhada jolni, Mellim aro Damalgre-ni St. Claret Higher Secondary School, Ampati -ko man·gope sak 2,500 baten chatro-chatrirang bakko ra·angaha unbaksana bi·sarangni ma·a-paa, guardian, songni manderangba bak ra·pae chatro-chatrirangna didianiko on·angaha.
Sub-Divisional School Education Officer (SDSEO) Ampati, Taposh Ch Marak, exhibition-ko oprakate on·aha. Aro tom·anio mongsonggipa sokgipa ong·e bakko ra·angaon poraigipa chadamberangna didiani kattarangko aganangaha. Garobadha Government Higher Secondary School, Bestling-ni Principal A Sangma, guest of honour ong·e bakko ra·angskaha.
Salgimikna ong·atgipa science exhibition-o student-rangni tarigipa dingtang dingtang project-rangko mesokangaha. Science-o pangchake tarigipa model-rangko exhibition-o mesokangna cholko on·aniara ian poraigipa chadamberangni ka·donganiko bilakdapatgen aro skie ra·anirangko namdapatgen.
Exhibition-o dingtang dingtang class-rangoni chatro-chatrirang bakko ra·e uamangni changa sapanirangko aro u·ianirangko mesokangaha. Balwa, chioniko man·gipa energy-o pangchake tarigipa model, space exploration (Chandrayaan, Mangalyaan), sustainable energy solution, waste management, medical technology, healthcare, quantum computing, DNA replication, climate change ba uandakgiparangni bidingo tarigipa model-rangko mesokangaha.
Garobadha St. Dominic Savio School, Arts, crafts & science exhibition 2025-ko sokachaka
Date:
Share post:
