SHILLONG: Meghalaya-ona napbana gita saksa police personnel, sakbonga non-tribal-rangoniko entry fee ine bi·e ra·aha ine matnanganirangko sandina a·bachengengaha ine Director General of Police (DGP) Idashisha Nongrang, Butbaro parakataha.
Ia a·selrangko dingtang dingtang dake 1st MLP Battalion-ni Commandant, Herbert Lyngdoh, aro Ri-Bhoi Superintendent of Police, Vivekananda Singh Rathore mang jako ra·enga.
Unigisepon “matnanganirang kakket ong·genchimode dosi dakgipani kosako kraa gita bichal ka·gen” ine DGP aganaha.
Koborrango gitade, a·selrangko namedake sandichina aroba sandie man·anirangko sulsul dake see on·china gita MLP 1st Bn-ni Commandant, Assistant Commandant-ko ge·etaha.
Koborrango parakani gitade, matnanga man·gipa Brill Rongpeit-ara, 1st MLP Battalion-ni brass band unit-ni membor saksa ong·a.
Indake Khasi Students’ Union (KSU), Umiam Circle-ni matnange aganani gitade, matnangako man·gipa mande, AS 25 CC 4375 gario songrebagipa sakbonga manderangoniko sakprako Gong 1,000 ka·e entry fee ine bi·e ra·ahachim.
Unigisepon, Rongpeit-ara police officer mangcha ong·enba biltangko jakkalsretengama ma an·tangko police ine dakmikgipasama, namedake iani bidingo sandichina gita KSU, authority-rangko didiaha.
Indake ong·engon, ia a·selko namedake sandichina aro dosi dakgipani kosako raken bichal ka·china gitaba A·dok Sorkari aro police department-ko KSU didiaha.
A·dokona napbana non-tribalrangoniko tangka cha·gipako bichalchina KSU didia
Date:
Share post:
