SHILLONG: Labour Minister Shakliar Warjri-ni mejalo aganani gitade Meghalaya gikmiko a·dok gipinchini re·bagipa kam ka·e cha·giparangko Labour Department nirikienga aro bakbakan a·dokni pilak a·jarang gimikon nirokanirangkoba dakgen ine aganaha.
“Na·simang gisik ra·ode, batanggimin somoio pilak a·jarangon nirokaniko dakchina chinga chingni labour inspector-rangko ge·et man·aha ine nikna man·gen. Anga iako nipiltaina nangkuenga indiba uamang kamtangko ka·enga ine anga bebe ra·a. Anga nipiltaina tom·aniko ong·atgen aro na·simangna iani bidingo talataniko on·gen,” Warjri kobor ra·timgiparangna aganaha.
Department-ni gita mikrakataniko on·ataha. “Mikrakataniko on·ataha. Nirikianiko dakenga. Sandianio man·anio pangchake, chinga nipiltaianiko dakgen aro u·iatgen,” ua aganaha.
Assam-o gital dake a·rikgalani on·engon Meghalaya-na simsakna nangani ong·enggenma ine sing·anina aganchakengon, “Oe, mikrakna nangani ong·enga. Angni officials baksa chanchirimchengna somoi on·bo. Anga nanga u·iatna nanganirangko on·gen,” ine Warjri aganchakaha.
Re·anggipa jarango, a·dokgimikni pressure group-rang a·dokona napbaenggipa kam ka·e cha·giparangni doccument-rangko sadirokenba chu·onga gita lekkarang donggijagiparangko a·rike galaha. Wate re·angna nanggiparangoni bang·bataan maming lekkarang donggijagipa Bangladesh-ni manderang ong·achim.
A·dok niamgri songdonggiparangko Assam sorkarini a·rike galani Meghalaya-ona napdrabaskana kenchakna nanganirangko mesoktokaha.
Indakmiting somoion, Labour Department-ni parakatani gitade 2024 bilsini gitade, gimik sak 93,283 migrant worker-rang an·tangtangko 2021 bilsio a·bachengatgipa a·dokni official process-o segattokaha, jean kam ka·e cha·giparangna chel·chakani aro niamni gita ja·ku ga·anirangna bikotgipa ong·a.
Department-ni gitade, East Khasi Hills-o gimik sak 41,242 migrant worker-rangni segatanichi bang·bate segatgipa ong·aha, uni ja·mano East Jaintia Hills-o sak 29,932-rang segataha. Gipin a·jarangoba segatanirangko parakataha uarangoni: Ri Bhoi-o sak 10,138, West Khasi Hills-o sak 3,820, West Jaintia Hills-o sak 3,575, South West Khasi Hills-o sak 2,858, West Garo Hills-o sak 782, North Garo Hills-o sak 372, South Garo Hills-o sak 326, East Garo Hills-o sak 183, aro South West Garo Hills-o sak 55.
Biming segatanirang ong·kuenga, aro Minister-chi nipilani ja·man iani bidingo mande jinmana parakgen ine officials aganaha.
Gimik a·jarangon gipinchini re·bae kam ka·giparangko Sorkari nipiltaigen
Date:
Share post:
