BAJENGDOBA: Bajengdoba C&RD Block-ni ning·o donggipa adita Skulrangna nok gitalrangko rike on·china gita North Garo Hills a·jani Bajengdoba constituency-ni MLA Pongseng R Marak, A·dokni Education Minister Rakkam A Sangmako grongenba didiaha.
Indake uni constituency-ni ning·o badia badia skulrangna gital nokrangko ba skul building-rangko nangengachim, uarangko janape segimin Memorandum kingsakoba Mara, Education Minister-na on·aha.
Bajengdoba MLA-ni, Education Minister-na see on·gipa chittio janapani gitade, Thorika Govt. Aided Secondary School, Indira Gandhi Memorial Govt. Aided Secondary School aro Sualmari Govt. Aided Secondary School, iarangna gital school building-rangko rike on·china gita mol·molaha, jedakode poraienggipa chatro-chatrirangna aro skigiparangna namgni on·gen aro a·jolo skia-porako tang·doatna dakchakani aro ra·doani gitaba ong·gen ine Marak aganaha.
Gital skul nokrangko rike on·china Bajengdoba MLA Edu Min-ko mol·mola
Date:
Share post:
