SHILLONG: Hospital-rango sannaniko ra·engon Meghalaya Health Insurance Scheme (MHIS)-ni tangkako somoi gita man·ja aro claim ka·na man·jaengani gimin mejal Butbar salo Secretariat-o high level review meeting ba tom·aniko ong·atao MHIS-ni bidingo chanchirimangaha.
Chief Minister Conrad K. Sangma-ni dilanggipa tom·anio Health Minister Ampareen Lyngdoh aro department-ni gipin a·gipi official-rang bakko ra·angaha.
Indake tom·anio Chief Minister, MHIS-ni tangkarangko man·a ru·utengani gimin aro claim ka·na man·jaengani gimin department-ko ia mamlako ta·raken nirokatchina ge·etaha. Unbaksana ia scheme-ko name dake ra·gatchina didiangaha. Jedakode a·dokni manderang ia scheme-ni namgnirangko man·gen.
MHIS-ni gita tangkako man·jaengani gimin jinma manderang badi ka·tokengani gimin sorkari, iani bidingo chanchirimaniko dakange ia mamlako nirokna ka·dongataha. MHIS, ian health insurance program ong·a, a·dokni manderangna sorkari aro private hospital-rango sannaniko ra·engon tangka gri (cashless) sanna gita cholrangko on·na parakataha.
Bilsi 2012-o -o a·dokni manderang health insurance-ko on·na miksonganio MHIS-ko parakataha. Ia scheme-ara Ayushman Bharat Pradhan Mantri Jan Arogya Yojana baksa nangdimgipa ong·a. Scheme-ni beneficiary-rang hospital-rango sannaniko ra·engon bilsi gimikna lak 5.30-ona sannani korosko man·a.
Meghalaya, MHIS-ko maternity care, surgeries aro dingtang dingtang sabisirangko sannaniko ra·engon dakchakaniko man·a.
