SHILLONG: A·dokni dingtang dingtang department-rangni a·gipi officer-rangko A·dok Sorkari kam jujaattokaha.
Sorkarini u·iatgipao janapani gita, IFS officer Harish Chandra Chaudhary-ko, Fisheries Department-o Principal Secretary dake donataha, jeon IFS officer M.B.K. Reddy-ko Mining & Geology Department-o Principal Secretary donatskaaha.
IAS officer Swapnil Tembe-ko Finance Department-ni Secretary-ona kam jiatataha.
Indake una gital on·gipa kamko jako ra·aoni dipet ua State Project Director, Sarva Shiksha Abhiyan aro Nodal Officer, POSHAN-ko jako ra·aoni neng·takskana man·gnok.
Unomitingo, IAS officer D.D. Sangma-na Meghalaya Board of School Education (MBoSE)-ni Executive Chairman-ko on·dapaha.
Kam jitatako man·gipa mongsonggipa gipinrangara, IFS officer Gavade Sachin Shankar-ko Planning, Investment Promotion & Sustainable Development Department-ni Joint Secretary dake donataha, unbaksana MBDA-ni Executive Director aro MegLIFE-ni Additional Project Director-ni kamkoba una on·dapaha.
IAS officer T.G. Momin-naba Meghalaya Farmers (Empowerment) Commission-ni Secretary-ni kamko on·dapaha.
IAS officer Jagdish Chelani-na Sarva Shiksha Abhiyan-ni State Project Director-ni daitoko on·dapaha.
MCS officer Ashish M. Sangma-ko Home (Police)-o aro Home (Political) Departments-o Joint Secretary donataha, aro State Level Public Grievance Committee-niba Secretary dake donataha.
MCS officer Banteilang Kharshandi-na POSHAN-ni Nodal Officer-ni kamko on·dapaha.
