SHILLONG: Chief Minister Conrad K. Sangma, Meghalaya-ni adita ge district-rangko nangdimate Ratachara gita nangdimatgipa economic corridor-ko India-Bangladesh sima ari gita tarichina ma·mong sorkariko didiaha. National highway 217-ko nangdimatna skang aro Phulbari-Dhubri dolongko tarina skang economic corridor-ko tarichina didiaha.
Prime Minister, Finance Minister aro Ministry of Development of North Eastern Region-na mol·molaniko on·ahaon namgipa aganchakaniko man·aha. Indiba iani bidingo mamingkon talede agana man·kujawa ine Chief Minister aganaha.
Ia corridor-o km 300 baten napgen. East aro West Jaintia Hills, West Khasi Hills, South West Khasi Hills, South Garo Hills aro West Garo Hills-ko man·chapgen.
Ranikor-oni Maheshkhola aro Baghmara-ona tarianggipa mitam ramarangkode dingtang dingtang scheme-rangchi tariaha, indiba chu·gimik ramako taria matchotna somoiko nanggen.
Weiloi-Keniong -ni km 50 ramako tarinan kror 200 nangaha, chu·gimik project-nade baditan nanggen, iani gimin tik ka·kuja.
Uandake meja Butbar salo infrastructure-ko namdapatna nangnikanio Mawkyrwat -ni MLA Renikton Lyngdoh Tongkhar aro Ranikor -ni MLA Pius Marwein- uamang Chief Minister Sangma-ko Weiloi-Mawkyrwat-Khatphra (Ranikor) road project-ko ta·raken matchotatchina mol·molaha.
CM Conrad, Meghalaya-o economic corridor-ko rikna ma·mongko didia
Date:
Share post:
