AMPATI: 2025 August 8 tariko, Monabari Outpost (OP)-ni police sipairang aro Takunbari-oni A·king Nokma baksa South Western Zone, Ampati-ni A.chik Holistic Awakening Movement (AHAM) membor-rang, South West Garo Hills-ni ning·o ga·akgipa Ishakuri-o niamgri nok rikenggipako dondipateaha.
Assam, Mankachar P.O & P.S-ni Pubergaon-o donggipa Shri Abdul Kader minggipa gipin jatna a·ako palaha jean a·a bregipa mandeba Assam-oni ong·achim.
Ia palani aro bree niamgri nokko rikenganian Meghalaya Transfer of Land (Regulation) Act 1971-ko niam pegipa ong·enga, jeon gipin jatrang sakgipin gipin jatrangna Meghalaya a·dokni gisepgriko a·a palna man·jawa iano raken champengani donga.
India Constitution-ni Sixth Schedule-ni ning·o ia act donako rongtalen paraka, jeon Sixth Schedule biaprango tribal committee-rangni autonomy aro a·ani bilko chel·chakna miksongani ong·a.
Ia niamgri nok rikaniko aro a·a breaniko AHAM raken jegalaha aro nangchongmotgipa ja·kurangko de·angna aro mikkangchi golmal ong·ani champengna nangchapgipa authority-rang baksa matnanganiko segatangaha.
