SHILLONG: Internal Quality Assurance Cell (IQAC) aro Synod College-ni Political Science department baksa apsan nangrime salgnina “Media and Democracy: Perspectives and challenges in North East india”-o salgnina seminar-ko 2025 bilsini August 7 aro 8 tariko Synod College Auditorium Shillong-o ong·ataha. Seminar-ko Indian Council of Social Science Research – North Eastern Regional Centre (ICSSR-NERC), Shillong aro State Bank of India, Iewduh Branch, Shillong-ni gita apsan bakrime ong·ataha. Mitam media professional-rangko man·chape India-ni salgro salaram a·dokrangoni academic-rang aro chatro chatrirangko seminar ku·cholsan ong·atna ra·baaha.
Khasi Hills Autonomous District Council (KHADC)-ni Chief Executive Membor Shri S.S Rynjah, mongsonggipa sokgipa oprakani session-ko a·bachengataha. Seminar-ni pangchakani mingnian somoini gita aro nangchapagipa ong·a, ine ua talataha. Ong·gijagipa koborrang aro tol·gipako koborrangna ra·bianirang jeon da·ororoani media-ko neng·nikata ine ua talataha.
Ia seminar-o Jawaharlal Nehru University-ni Prof. Mahendra P. Lama, mongsonggipa kattarangko aganangaha, India-o salgro salaram a·dokrangni gadangko gital dake ong·katatpiltaichina ua okamangaha, dingtanganiko sima arioni sima ari a·aona nangdimatanichi, economic gadango aro rinokgipa bilko jakkalanichi dingtangatchina didiangaha.
Salgnina technical session-rango pangchakaniko donaha jekai ‘Media, Democracy aro Governance, Media aro Electoral Politics, Media aro Political Communication, Media, Technology aro mikkangchini Democracy, aro Media aro Ethnic Conflict, Prof. B. Viju Kumar, Prof. J. Doungel, Prof. K. H. Kabi, aro Patricia Mukhim mongsonggipa scholar-rangchi agan-talataniko dakangaha. Ia seminar-o ming 15 paper presentation-ko dakangaha jerangan seminar-ni pangchakanina nangchapgipa topic-rang ong·a. Seminar-ko IQAC, Synod College-ni Coordinator Dr. W. Kharmawphlang-chi dile mittelpilskaniko dakan baksa tom·anikoba matchotataha, jeon salgro salaram a·dokrango media culture-ko rikna nikjumangsoaniko ra·chimongaha.
