SHILLONG: A·doko HIV/AIDS sagiparang aro drug ba pekgipa ringanirangko jakkalgiparang batrikrikengon Health Minister Ampareen Lyngdoh, iani gimin jajrenge sorkari HIV testing ba porikka ra·aniko nangtelaigipa ong·ata baksana dingtang dingtang ja·kurangrangko de·ani gimin aganaha.
“Drug jakkalgiparang aro HIV/AIDS sagiparang batrikrikengako champengna raken kam ka·ja ong·ode ian mikkangchina namen kenbegnigipa ong·gen ine Lyngdoh aganaha.
Meghalaya, mandatory testing ba porikka ra·telna nangako ra·gatgenma ra·gatjawa ine sing·aon Minister, indine aganchakaha, “Gipin a·dokrangni dingtang dingtang policy ba niamrangko ra·gate ja·ku de·aniko nikaha. Meghalaya da·o9de an·tangni tarigimin policy-rangkon ja·rikdrana nanggenma? Bia ka·na skang porikka ra·chengaona sokgenma? HIV/AIDS-ko mission mode-ona donnaona sokanggenma? maidakgipa sal somoirangona re·angenga.
Da·ode mamingkon tik ka·a dongkuja, indiba gipin a·dokrangode dingtang dingtang niamrangko done ja·rikenga inesa sorkari aganenga. Da·ora sing·adie an·chingaba uarangko ja·rikgenma? iani bidingo name dake chanchirime nichenggen, iani bidingo anga kragipa authority-ni aganchakaniko senge dongenga ine Lygndoh aganaha.
Uandake Minister, drug jakkalgiparang aor HIV sagiparang batrikrikenganio nangdimani dongani giminba jajrenganio janapaha.
“Research ka·giparang ba am·sandigiparang dongrim-turimachi batrikrikgipa sabisian kenbegnigipa ong·a ine agana indiba da·ode somoirang dingtangjok drug jakkalao syring ba bijiko jakkaldimani a·selsa sabisi batrikrikenga. HIV sabisiara an·chi ba semen-chi batrikrika, iarang minggnian mongsonggipa ong·a ine an·ching u·ienga uni gimin iako champengna gita jinma manderangna u·iatanirangko gipatna nanggen, ian sorkarini daito ong·enga ine Lyngdoh aganaha.
HIV?AIDS sagipa aro drug jakkalgiparang batrikrikenganina jajrengani ong·enga
Date:
Share post:
