Sunday, August 31, 2025
spot_img

Tura Medical College-ko chalaiani bidingo chanchina sorkari somoi bi·dapa

Date:

Share post:

spot_imgspot_img

SHILLONG: Tura Medical College & Hospital (TMCH)-ko Public-Private Partnership (PPP) mode-o chalaina sorkarini tik ka·aniko dingtang dingtang dolrang aro Garo Hills-o songdongenggipa manderang jegaltokahani gimin ia medical college-ko chalaiani bidingo chanchikuna gita sorkari somoiko ra·dapaha.

Iani bidingo talataniko on·angengon, ia kamde a·dokni Chief Minister Conrad K Sangma-ni ning·osa ong·ani gimin chanchikuna nanggen ine Sonibar salo, a·dokni Health Minister aro MDA sorkarina ku·wattimgipa Ampareen Lyngdoh parakataha.

“Tura Medical College-ko chalaianikode Chief Minister Conrad K Sangma an·tangan jako ra·enga. Iani bidingo a·dokni Chief Minister, dingtang dingtang MLA-rang, dingtang dingtang dolrang aro pilakmingan agangrikenga. Uni gimin sorkarina chanchina gita somoiko on·pakuchina anga mol·molenga. Ia neng·nikaniko Chief Minister an·tangba ma·sienga aro dingtang dingtang dolrang baksa agangrikanichisa an·ching nambata cholkode man·gen,” ine Lyngdoh aganaha.

TMCH-ko PPP mode-o chalaina gita sorkarini tik ka·aniko Garo Hills-ni Federation of Khasi Jaintia and Garo People, Association for Democracy and Empowerment, A·chik Youth Welfare Organisation, Garo Students’ Union, Federation for A·chik Freedom aro gipin dolrangba raken jegaltokengachim ine nikna man·a.

“Tura Medical College & Hospital-ko PPP mode-o chalaina tik ka·aniko chinga raken jegalenga maina ian Garo Hills-o songdongenggipa manderangna an·seng baljokaniko on·anio aro medical-ko poraina sienggipa chadamberangna on·enggipa cholrangko ra·sekani ong·enga,” ine Garo Hills-ni NGO-rang parakataha.

Iani bidingo Sukrobar attamoba a·dokni Chief Minister Conrad K Sangma, Garo Hills-ni dingtang dingtang dolrang baksa chanchirimanirangko dakangahachim indiba dolgnichipaknin meligrikna man·chipjaha.

spot_imgspot_img

Related articles

UAE heat forces 30-minute delay in Asia Cup matches

Dubai, Aug 30: The start time for 18 out of the 19 matches in the upcoming Asia Cup...

Gill awaits fitness test for Asia Cup

Bengaluru, Aug 30: India Test skipper and T20 vice-captain Shubman Gill reached the BCCI Centre of Excellence here...

Oman skipper ready for maiden Asia Cup

New Delhi, Aug 30: When Oman steps out for their maiden Asia Cup game against Pakistan in Dubai...

Indian fan zones sold out: CA

Melbourne, Aug 30: Cricket Australia has announced that the dedicated Indian fan zones at all eight venues for...