SHILLONG: 2012 bilsio State Finance Commission (SFC)-ko u·iataha, mamingsaloba songa dongja, Garo Accord-ni Paragraph 7.7-ko pe·aha ine BJP State Vice President Bernard N. Marak aganaha.
Autonomous District Council (ADC)-rangni (share and royalities) on·gile man·anirangko aro bosturangko brena ba jakkalna tangka gamani bidingo a·dok sorkari bak ra·na bil dongja ine Marak aganaha. A·dok sorkari aro ADC administration-rangni gisepo kajina ra·anirango aro tangka-paisa on·a kragipao pangchake bilko on·a State Finance Commission gita dakgipa jakgitelgipa dolko songna nanga ine Accord-o dingtangmancha janapaha, ua aganaha. SFC-ko songani miksongani Ma·mongoniko tangka-paisa chamataniko joljol man·a aro ADC-rango tangka-paisani gita tik ong·gijanirangko chel·atna ong·achim, ua aganaha. Uni aganani gita Constitution-o aro gipin kragipa legislative ba niamo pangchake dongimin kamrangna taridapna nangchongmote India sorkari aro Meghalaya sorkari ja·kurangko de·na Agreement-o rongtalen nangaha.
ADC-rangni chanchiako chu·sokatna nangchongmota ja·kurangko de·angna a·dok sorkari man·jae Agreement-ko namen pe·aha. Body-ko u·iatahachim indiba mamingsaloba songa dongja, Marak aganaha.
