NEW DELHI: Meghalaya-ni mingsing-mingamgipa jakchi dokgipa Dakmanda-ko a·songni skotong New Delhi-o ong·atgipa ‘‘Weave Meghalaya’’-o a·dokni jaktangchi dokgipa ba·rarangko ba-dingchiwalgipa niksenggipa manderang mesokangaha.
‘‘Reviving Tradition, Reimagining Textile’’ dongimin ja·pang kattao pangchakgipa tom·ao Dakti Craft-ni ba·ra dokanirangko mesokaha. Meghalayan Age-The Store-o jattangchi doka ba·rarangko, dokgiparang aro atchu-ambioni ganrikrikgipa ba·rarangko kusi ong·e on·kanganiko dakaha.
GI Tag Textile Showcase-o bang·a niksenggipa ba·ra dokgiparang-Christine G. Momin aro Lakme K. Marak-ni dokgipa ba·rarangko show-o mesokaha.
Programme-o Heritage Motif Revival-ni bidingo Karbi, Khatar Lyngdoh aro Ri-Bhoi District-ni Raid Nongtluh-maang aganaha. Session-ko Ridahunlang Gatphoh, Founder & Creative Director of Dakti dilaha.
Agangrikanirango ba·ra dokani bidingo mongsonggipa chanchirimdilgipa committee baksa agangrike matchotataha. Meghalayan Age-The Store, ba·ra dokani cholrangko, ba·ra dokgiparangna on·a ku·rachakangkuaha.
Meghalayan Age-The Store-ko, December 9, 2021-o ga·timra, ba·ra dokgiparang aro game cha·giparangoni pale-sime cha·anirangko man·chape oprake on·aha. Uamangni ba·rarang da·o a·songtangonasan sokangaijaha indiba a·songgipinonaba sokangatna skaniko uamang aganaha.
