TURA: Sukrobar salo Rajabala Higher Secondary School-ni Secretary-ko apsan skulni teacher-rang ka·onange matnangataha jeon uamang an·tangtangni dormahako man·a uamangoniko ua tangkako dabiangaha aro dormahako on·angani pal ua parakangaha, skulni bang·a tangka paisarangko jakkalsretanina teacher-rang an·tangtangan daito nanggipa ong·a ine aganaha.
Apsan skulni ma·gipa parangni gita mamlani bidingo matnangataha, Secretary dingtang dingtang kamrango name kam ka·gijanio jak dongpaa aro dingtangmancha skigipani dormahako on·gija donenga, apsan somoio ua dormaha-rangko on·a sakprakoniko tangka hajal 20-ko dabiangaha.
Uni kosako ong·a ong·gijani bilakgipa sakkiko man·engaha, skulni SMC Secretary, West Garo Hills DSEO-na uni talatanio indake seataha, pangchakani grigipa matnanganiko saksa skigipa Mominul Islam-ni gita dakaha jean an·tangan NIOS fund-ni tangka lak 2,70,000-ko jakkalsretanina daito nanggipa ong·a, jekon ua Principal-ni bank account-oniko niamgri tangkako bikotaha.
SMC Secretary-oni parakatani gitade, sakgni skul skigiparang Babul Sarkar aro Alabur Islam Sheik-ni gita matanganio Principal-na matnanganiko dakangaha, skigiparangni gisepgriko mamlako namatchina Islam-na notice-ko on·aha jeon maming aganchakaniko on·angjaha. Notice on·gipako Islam ra·chakna jechakan baksa Islam-ni dormahako mamlako namata namatkujana kingking SMC baksa consultation-o rakkie donenga.
