SHILLONG: Batanggimin August 29 tariko a·songo National Sports Day ko maniengon East jaintia Hills a·jani Umlyngsha songjinmao dal·drobaenggipa chadamberangna robol kal·ani bidingo tang·doatna gita Grassroots Football Centre ko a·bachengate on·angaha. Ia robol kal·chakani Centre ko a·dok sorkari ni Mission Football ni bak gita a·bachengatangaha jekon Department of Sports & Youth Affairs, Mission Football, a·doko bilsi 6-oni 12 ong·gipa gisiko nanggipa chadamberangni robol kal·na sapaniko nambatatna re·mikkangenba a·dokna mikkim rasongko ra·bana ja·ku de·anian ong·a. Ia Football Centre-ko a·bachengatani somoio Khliehriat MLA aro Cabinet Minister Kyrmen Shylla, EJH a·jani Sports Officer Stephanie Rapsang, Umlyngsha Waheh Shnong Namphrangmi L Talang, ra·angpaaha.
