SHILLONG: Meghalaya sorkari, Chief Minister Hospitality Scholarship Programme (CMHSP)-ni gita sak 165 student-rangko dakchakangna kror 6.6 tangkako jakkalangna tik ka·aha.
Mongolbar salo Social Welfare Minister Paul Lyngdoh, ia scheme-ko parakataon, scheme-ni bidingo talate on·angaha. A·dokni chadamberangko chubata gadangona poraiangna didina gita aro a·gilsakni gipin biapo dongenggipa chadamberangska apsangrik ong·e cholrangko man·china miksonganio iako parakataha.
Ia programni ning·o sorkari, IHM Shillong-o Hotel Management aro Hospitality-o B.Sc poraigipa student-rangna 100 percent ba chu·gimik tuition fees-ko gamgen. Chu·gimik sak 55 student-rangko batch ge·sao ra.gen. A·dokni block ge·antioniniko sakprak student-ko ra·gen. Joljol changgittam batch-o student-rangko ra·anio chu·gimik sak 165 gapgen.
Minggipin applicant-rang Meghalaya a·doko songdongkamgiparang ong·na nanggen aro English subject baksa Class XII-ko pass ka·gipa ong·na nanggen. Nokdangni annual income ba bilsio kamaia chu·gimik lak 3-na komigipa ong·na nanggen. Bilsio maming champengani dongjawa.
Tuition fee-kode sorkari chu·gimik on·gen indiba hostel, mess, uniforms aro gipin kamrangna nanggipa tangkako student-rang gamna nanggen.
