SHILLONG: Autumn session, knaloni a·bachengnasiengon Cabinet Minister aro Treasury membor, Ampareen Lyngdoh, sorkariko mikchepe ra·jachina Opposition-ko aganaha.
Kobor ra·timgiparangna aganao Opposition-ni ra·banasigipa minganti mamla ba sing·anirangna sorkari aganchakna tarienga aroba uamang golmal donggipa manderangni kosako ja·ku de·enga ine ua aganaha.
“Gimikan House-ni gallery-o sing·na-agana man·a indiba sorkario uamang apsan daito aro kam ka·ani bil donga gimikan ma·sichakna nanggen,’’ bakkandikgipa Autumn session sorkariko matnangari bon·ode maming namgni ba orto dongjawa, ua agandapaha.
Sorkari minganti mamlani bidingo aganchakgen, sorkari maming saloba daitotangko ra·gija gale donjawa, ua agandapaha.
“Election-ni obostaoba chinga Opposition baksa agan-chanchigrikna aro bakrimna cholko ra·ronga aro maming saloba chingni do·garangko chipe katja,’’ ua aganaha.
Opposition maiba golmalko ka·ode maming orto ba bite gnanggipa ong·jawa ine mikrakate bil-sason ka·enggipa sorkari nangchongmotako chu·sokatna, aganchakna tariani donga, ua aganaha.
