SHILLONG: Koborrangko man·soani ja·mano re·anggipa Sukrobar walo ANTF Meghalaya, Shillong-ni Nongrah Nongpdeng-o donggipa saksa bilsi 41 ong·gipa Smti Nengneilhing Khongsai-ni nokona rang·gitik re·angenba am·sandianiko dakeaha.
Indake Khongsai-ni dongchakgipa noko nape am·sandianiko dakon ge 18 sabon bakosrango chipgimin chanchichipgipa pekatgipa bosturangko uni dringonikoANTF man·aha. ATNF-ni sandie man·gipa bostuni jrima gimikchide 218.94 gram ong·a, jeni daman bajarode kror 1 tangkani ong·gen.
Ia a·selrango pangchake Khongsai-ko rim·aha aro uni kosako NDPS Case-koba segataha.
